ନୂଆଦିଲ୍ଲୀ,(ବାଘୁଆବାର୍ତ୍ତା): ଜୀବନ ବୀମା ଉପରେ ସମସ୍ତେ ଅଳ୍ପ ବହୁତ କିଛି କଥା ଜାଣିଥିବେ । ବିମା କଂପାନୀମାନ ବିଭିନ୍ନ ପ୍ରଲୋଭନ ଦେଖାଇ ବୀମା କରାଇଥାନ୍ତି । ସବୁଠୁ ବଡ଼ ଲୋଭ ଦେଖାଇ ଥାନ୍ତି ଦୁର୍ଘଟଣାରେ ପ୍ରାଣ ଗଲେ ବୀମା କଂପାନୀ ମୋଟା ଅଙ୍କର ସହାୟତା ରାଶି ପ୍ରଦାନ କରିଥାନ୍ତି । ତେବେ ଏଭଳି ଏକ ଘଟଣା ଘଟିଛି ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଛି । ବୀମା ପାଇବା ଆଶାରେ ଜହ୍ଲାଦ ବାପା ଦୁଇ ନାବାଳକ ପୁଅକୁ ହତ୍ୟା କରି ଦୁର୍ଘଟଣାର ରୂପରେଖ ଦେଇ ବୀମା କଂପାନୀ ଠାରୁ ବୀମା କ୍ଲେମ କରି ୧କୋଟି ୮୮ଲକ୍ଷ ଟଙ୍କା ପାଇଥିଲେ । ଏଭଳି ଘଟଣାଟି ଆମେରିକାର ଲସ୍ ଏଞ୍ଜେଲେସରେ ଘଟିଛି । କୋର୍ଟରେ ବୀମା ସଂପର୍କରେ ସତ୍ୟାସତ୍ୟ ଜଣାପଡିବା ପରେ ଜହ୍ଲାଦ ବାପାର ଅସଲ ମୁଖା ପଦାକୁ ଆସିଥିଲା । ଏଭଳି ଜଘନ୍ୟ ଘଟଣା ପାଇଁ ମାନ୍ୟବର କୋର୍ଟ ଉକ୍ତ ବାପା ଉପରେ ବିଶ୍ୱର ସବୁଠୁ ଦୀର୍ଘ ଦଣ୍ଡାଦେଶ ଶୁଣାଇଛନ୍ତି । ଯାହାକି ଦୁଇ ନାବାଳକର ହତ୍ୟାକାଣ୍ଡ ଘଟଣାରେ ଅଭିଯୁକ୍ତ ଜହ୍ଲାଦ ବାପାକୁ ମାନ୍ୟବର କୋର୍ଟ ୨୧୨ବର୍ଷ ଜେଲ ଦଣ୍ଡାଦେଶ ସହିତ ବୀମା କଂପାନୀକୁ ୧କୋଟି ୯୦ଲକ୍ଷ ଟଙ୍କା ଫେରାଇବାକୁ ନିର୍ଦ୍ଦେଶ ଦେଇଛନ୍ତି ।
