ଇଂଲଣ୍ଡ ଗସ୍ତ ପୂର୍ବରୁ ଟିକା ନେଲେ ଭାରତୀୟ ମହିଳା କ୍ରିକେଟ ଟିମ

ମୁମ୍ବାଇ (ବାଘୁଆବାର୍ତ୍ତା): ଇଂଲଣ୍ଡ ଗସ୍ତ ପୂର୍ବରୁ ଟିକାକରଣକୁ ତ୍ୱରାନ୍ୱିତ କରାଯାଇଛି । ଏବେ ଦଳର ସଦସ୍ୟ ମୁମ୍ବାଇରେ କ୍ୱାରେଣ୍ଟାଇନରେ ଅଛନ୍ତି । ସୂଚନାନୁସାରେ ଭାରତୀୟ ମହିଳା କ୍ରିକେଟ ଟିମ ଇଂଲଣ୍ଡ ଗସ୍ତ ପୂର୍ବରୁ କୋଭିଡ ଟିକାର ପ୍ରଥମ ଡୋଜ ଦିଆଯାଇଛି । ଇଂଲଣ୍ଡର ୟୁକେରେ ସମସ୍ତ ମହିଳା କ୍ରିକେଟରଙ୍କୁ ଦ୍ୱିତୀୟ ଡୋଜ ଟିକା ଦିଆଯିବା ନେଇ ସୂଚନା ମିଳିଛି । ସମସ୍ତଙ୍କୁ କୋଭିସିଲ୍ଡ ଟିକା ଦିଆଯାଇଛି । ତେଣୁ ୟୁକେରେ କୋଭିସିଲ୍ଡ ଦିଆଯାଉଥିବାରୁ କୌଣସି ଅସୁବିଧା ସୃଷ୍ଟି ହେବନାହିଁ ବୋଲି ଜଣେ ଅଧିକାରୀ ସୂଚନା ଦେଇଛନ୍ତି । ଇଂଲଣ୍ଡରେ ଭାରତୀୟ ମହିଳା କ୍ରିକେଟ ଟିମ୍ ଗୋଟିଏ ଟେଷ୍ଟ, ତିନୋଟି ଦିନିକିଆ ସହ ତିନିଗୋଟି ଟି-ଟ୍ୱେଣ୍ଟି ମ୍ୟାଚ୍ ଖେଳିବ । ପ୍ରଥମେ ଜୁନ୍ ୧୬ରେ ୪ ଦିନିଆ ଟେଷ୍ଟ ମ୍ୟାଚ୍ ଖେଳାଯିବ । ଜୁନ୍ ୨୭ରୁ ଇଂଲଣ୍ଡ ବିପକ୍ଷରେ ତିନି ଟିକିଆ ଦିନିକିଆ ସିରିଜ୍ ଖେଳିବ ଭାରତୀ ମହିଳା ଦଳ । ଏହି ମ୍ୟାଚ୍ ବ୍ରିଷ୍ଟଲ, ଟଉଣ୍ଟନ ଓ ୱକ୍ରେଷ୍ଟରରେ ଖେଳାଯିବ ।