ନୂଆଦିଲ୍ଲୀ, (ବାଘୁଆବାର୍ତ୍ତା): ଇଂଲଣ୍ଡ ସାଉଥାମ୍ପଟନରେ ଭାରତ ଓ ନ୍ୟୁଜିଲାଣ୍ଡ ଚାଲିଥିବା ବିଶ୍ୱ ଟେଷ୍ଟ ଚାମ୍ପିଅନସିପରେ ଭାରତ ୨୧୭ ରନରେ ଅଲଆଉଟ୍ ହୋଇଯାଇଛି । ନ୍ୟୁଜିଲାଣ୍ଡର ଘାତକ ବୋଲିଂରେ ଟିମ୍ ଇଣ୍ଡିଆ ସମସ୍ତ ୱିକେଟ ହରାଇ ୨୧୭ ରନ କରିବାରେ ସକ୍ଷମ ହୋଇଛି । ନ୍ୟୁଜିଲାଣ୍ଡ ଦଳ ପକ୍ଷରୁ ଘାତକ ବୋଲର କାଇଲ୍ ଜେମିସନ୍ ଏକାକି ୫ଟି ଓି୍ୱକେଟ ଅକ୍ତିଆର କରିଥିଲେ । ବିଶ୍ୱ ଟେଷ୍ଟ ଚାମ୍ପିଅନସିପ୍ ଫାଇନଲା ମ୍ୟାଚରେ ଭାରତ ଓ ନ୍ୟୁଜିଲାଣ୍ଡ ଖେଳର ପ୍ରଥମ ଦିବସରେ ବର୍ଷା ବାଧକ ସାଜିଥିଲା । ଦ୍ୱିତୀୟ ଦିବସରେ ନ୍ୟୁଜିଲାଣ୍ଡ ଟସ୍ ଜିତି ଭାରତକୁ ବ୍ୟାଟିଂ କରିବାକୁ ଆମନ୍ତ୍ରଣ କରିଥିଲା । ଦ୍ୱିତୀୟ ଦିବସରେ ଭାରତ ୩ଟି ୱିକେଟ୍ ହରାଇ ୧୪୬ ରନ କରିଥିବା ବେଳେ ଆଜି ତୃତୀୟ ଦିବସରେ ମାତ୍ର ୭୧ରନ କରି ମୂଲ୍ୟବାନ ୭ଟି ୱିକେଟ ହରାଇଛି । ଟିମ୍ ଇଣ୍ଡିଆ ୨୧୭ ରନରେ ଅଲଆଉଟ୍ ହୋଇଥିବା ବେଳେ ନ୍ୟୁଜିଲାଣ୍ଡ ୭ ଓଭରରେ ବିନା ୱିକେଟ ୧୨ରନ କରି ଖେଳ ଜାରି ରଖିଛି ।
