ଦଶପଲ୍ଲା,(ବାଘୁଅବାର୍ତ୍ତା ବ୍ୟୁରୋ): ଅଷ୍ଟ୍ରେଲିଆ ମହାଦେଶ ର ସାମେଆର ରାଜଧାନୀ ସହର ଆପିଆରେ ଚାଲିଥିବା ରାଜ୍ୟଗୋଷ୍ଠୀ ଭାରତ୍ତୋଳନ ଚାମ୍ପିଅନସିପ ରେ ଓଡ଼ିଆ ଝିଅ ଝିଲ୍ଲି ଦଳ ବେହେରା ପୁଣିଥରେ ନିଜର ଚମତ୍କାରିତା ପ୍ରଦର୍ଶନ କରି ଦେଶପାଇଁ ଗୌରବର ଆଖ୍ୟା ଆଣିଛନ୍ତି । ଭାରତ ପାଇଁ ଏକାଧିକ ପଦକ ଜିତି ସାରିଥିବା ଝିଲ୍ଲି ଦଳବେହେରା ସିନିୟର ମହିଳା ୪୫କି.ଗ୍ରା ବର୍ଗରେ ସ୍ୱର୍ଣ୍ଣପଦକ ବିଜୟୀନି ହୋଇଛନ୍ତି । ନୟାଗଡ଼ ଜିଲ୍ଲା ଦଶପଲ୍ଲା ବ୍ଲକ୍ ଘୁଗୁଡିପଡ଼ା ପଞ୍ଚାୟତ ଅଖ୍ୟାତପଲ୍ଲୀ ମକରପ୍ରସାଦ ଗାଁର ଆଦିବାସୀ ଝିଅ ଝିଲ୍ଲି ୨୦୧୭ ରାଜ୍ୟଗୋଷ୍ଠୀ କ୍ରୀଡା ଭାରତ୍ତୋଳନ ଜୁନିୟର ବାଳିକା ୪୮ କିଗ୍ରା ବର୍ଗରେ ରୌପ୍ୟ, ୨୦୧୮ ଉଜ୍ବେକିସ୍ତାନର ତାସକେଣ୍ଡରେ ଆୟୋଜିତ ଜୁନିୟର ବିଶ୍ୱ ଭାରତ୍ତୋଳନ ଚାମ୍ପିଅନ୍ସିପ୍ରେ ବ୍ରୋଞ୍ଚ ଏବଂ ୨୦୧୯ ଏପ୍ରିଲରେ ଚୀନ୍ରେ ଆୟୋଜିତ ଏସିଆନ୍ ଭାରତ୍ତୋଳନ ଚାମ୍ପିଅନ୍ସିପ୍ରେ ରୌପ୍ୟ ପଦକ ଭଳି ସମ୍ମାନଜନକ ପୁରସ୍କାର ହାସଲ କରିଥିଲେ ।
ଝିଲ୍ଲି ସ୍ୱର୍ଣ୍ଣପଦକ ହାସଲ କରିବା ଖବର ଗାଁରେ ପହଞ୍ଚିବା ପରେ ତାଙ୍କ ପରିବାର, ବନ୍ଧୁବାନ୍ଧବଙ୍କ ମଧ୍ୟରେ ଆନନ୍ଦର ଲହରି ଖେଳିଯାଇଛି । ଅନୁରୂପ ଭାବେ ତାଙ୍କୁ ବିଭିନ୍ନ ସମୟରେ ପ୍ରୋତ୍ସାହନ ଯୋଗାଉଥିବା କ୍ରୀଡା ସଂଗଠନ ସ୍ପୋଟିଭ୍ ସ୍ପୋର୍ଟ ସୋସାଇଟି, ଦଶପଲ୍ଲା ତହସିଲଦାର ପ୍ରମୋଦ କୁମାର ଦଳବେହେରାଙ୍କ ସମେତ ମହାବୀର ବଣିକ ମହାସଂଘ, ପ୍ରେସ୍କ୍ଲବ୍, ରାମସେନା, ବରିଷ୍ଠନାଗରିକ ମଞ୍ଚ, 3ଇଲେଭେନ୍ ଷ୍ଟାର ସ୍ପୋର୍ଟ କ୍ଳବ୍, ସୀତାରାମ ୟୁଥ୍ କ୍ଲବ୍, ଗଠନ ପରିବାର ଭଳି\nଅନୁଷ୍ଠାନ ତାଙ୍କୁ ଶୁଭେଚ୍ଛା ଜଣାଇଛନ୍ତି ।
