ପ୍ରକାଶ ପାଇଲା ଆଇସିଏସଇ ଦଶମ ଓ ଦ୍ୱାଦଶ ପରୀକ୍ଷାଫଳ

ଭୁବନେଶ୍ୱର, (ବାଘୁଆବାର୍ତ୍ତା): ଆଇସିଏସଇ ଦଶମ ଓ ଦ୍ୱାଦଶ ପରୀକ୍ଷା ଫଳ ପ୍ରକାଶ ପାଇଛି । ଆଇସିଏସଇ ଦଶମରେ ପାସ୍ ହାର ୯୯.୯୮ ପ୍ରତିଶତ ଥିବା ବେଳେ ଉଭୟ ଛାତ୍ର ଛାତ୍ରୀଙ୍କ ପାସ୍ ହାର ୯୯.୯୮ ପ୍ରତିଶତ ରହିଛି । ଆଇସିଏସଇ ୮୯୩୫ଜଣ ଛାତ୍ରଛାତ୍ରୀ ପରୀକ୍ଷା ଦେଇଥିଲେ । ଛାତ୍ର ୪୮୬୭ ଓ ଛାତ୍ରୀ ୪୦୬୮ ଜଣ ପରୀକ୍ଷା ଦେଇଥିଲେ । ଦ୍ୱାଦଶ ଆଇଏସସିରେ ପାସ୍ ହାର ୯୯.୯୭ ପ୍ରତିଶତ । ଆଇଏସସିରେ ୧୮୧୩ ଜଣ ଛାତ୍ରଛାତ୍ରୀ ପରୀକ୍ଷା ଦେଇଥିଲେ । ଛାତ୍ର ୯୪୬ ଜଣ ଓ ଛାତ୍ରୀ ୮୬୭ଜଣ ପରୀକ୍ଷା ଦେଇଥିଲେ । ଆଇଏସସି ଛାତ୍ରଙ୍କୁ ପଛରେ ପକାଇଲେ ଛାତ୍ରୀ । ଛାତ୍ରୀଙ୍କ ପାସ୍ ହାର ୯୯.୮୬ ପ୍ରତିଶତ ଥିବା ବେଳେ ଛାତ୍ରଙ୍କ ପାସ୍ ହାର ୯୯.୬୬ ପ୍ରତିଶତ ରହିଛି । ଆଇସିଏସଇର ଛାତ୍ରଛାତ୍ରୀ ପରୀକ୍ଷା ଫଳ ଜାଣିବାକୁ ଚାହିଁଲେ cisce.org ରେ ପରୀକ୍ଷା ଫଳ ଉପଲବ୍ଧ ରହିଛି ।