ଟସ୍ ଜିତି ଫିଲ୍ଡିଂ କରୁଛି ନ୍ୟୁଜିଲ୍ୟାଣ୍ଡ

ନୂଆଦିଲ୍ଲୀ, (ବାଘୁଆବାର୍ତ୍ତା): ବର୍ଷାର ଚୋର ପୁଲିସ ଖେଳକୁ ନେଇ ବହୁ ପ୍ରତିକ୍ଷୀତ ବିଶ୍ୱ ଟେଷ୍ଟ ଚାମ୍ପିଅନସିପ୍ ମ୍ୟାଚର ଟସ୍ ପଡିଛି । ସୂଚନାନୁସାରେ, ଇଂଲଣ୍ଡ ସାଉଥାମ୍ଫଟନରେ ହେଉଥିବା ବହୁପ୍ରତିକ୍ଷୀତ ବିଶ୍ୱ ଟେଷ୍ଟ ଚାମ୍ପିଅନସିପର ଫାଇନାଲ ମ୍ୟାଚ୍ ଗତକାଲି ପ୍ରଥମ ଦିନର ମ୍ୟାଚ୍ ଲଗାଣ ବର୍ଷା ଯୋଗୁଁ ବାତିଲ କରାଯାଇଥିଲା । ଆଜି ଦ୍ୱିତୀୟ ଦିନରେ ପାଗ ସାମାନ୍ୟ ସୁଖିଲା ଥିବାରୁ ନ୍ୟୁଜିଲ୍ୟାଣ୍ଡ ଓ ଭାରତ ମଧ୍ୟରେ ଟସ୍ ପଡିଥିଲା । ନ୍ୟୁଜିଲ୍ୟାଣ୍ଡ ଟସ୍ ଜିତିବା ପରେ ଫିଲ୍ଡିଂ କରିବାର ନିଷ୍ପତ୍ତି ନେଇଥିଲା । ଭାରତ ବ୍ୟାଟିଂ ଆରମ୍ଭ କରିଛି । ଭାରତ ପକ୍ଷରୁ ରୋହିତ୍ ଶର୍ମା ଓ ଶୁଭମ୍ ଗିଲ୍ ଓପନିଂ ପାଳି ସମ୍ଭାଳୁଥିବା ଜଣାପଡିଛି । ବର୍ତ୍ତମାନ ସୁଦ୍ଧା ୧୫ ଓଭର ଖେଳି ବିନା ୱିକେଟ୍ ଭାରତ ୪୫ ରନ୍ କରି ବ୍ୟାଟିଂ ଜାରି ରହିଛି । ରୋହିତ୍ ଶର୍ମା ୫୦ଟି ବଲ୍ ଖେଳି ୩ଟି ଚୌକା ସହୟତାରେ ୨୧ ରନ୍ କରି ଅପରାଜିତ ଥିବାବେଳେ ଶୁଭମ୍ ଗିଲ୍ ୩୯ଟି ବଲ୍ ସମ୍ମୁଖୀନ ହୋଇ ୩ଟି ଚୌକା ସହୟତାରେ ୨୩ ରନ୍ କରି ବ୍ୟାଟିଂ ଜାରି ରଖିଛନ୍ତି ।