ଦ୍ୱିତୀୟ ସଂସ୍କରଣର ପଏଣ୍ଟ ପଦ୍ଧତି ଘୋଷଣା:ଆଇସିସି

ନୂଆଦିଲ୍ଲୀ, (ବାଘୁଆବାର୍ତ୍ତା): ଆନ୍ତର୍ଜାତୀୟ କ୍ରିକେଟ କାଉନସିଲ(ଆଇସିସି) ୱାର୍ଲ୍ଡ ଟେଷ୍ଟ ଚମ୍ପିଆନସିପ୍ ଫାଇନାଲର ଦ୍ୱିତୀୟ ସଂସ୍କରଣର ପ୍ରସ୍ତୁତି ଆରମ୍ଭ ହୋଇଛି । ଟେଷ୍ଟ ଚମ୍ପିଆନ୍ସିପର ପଏଣ୍ଟ ପଦ୍ଧତି ଆଜି ଆଇସିସି ପକ୍ଷରୁ ଘୋଷଣା କରାଯାଇଛି । ଆସନ୍ତା ଅଗଷ୍ଟ ମାସରୁ ଭାରତ ଏବଂ ଇଂଲଣ୍ଡ ମଧ୍ୟରେ ଟେଷ୍ଟ ସିରିଜ୍ ଆରମ୍ଭ ହେବ । ସମୁଦାୟ ୯ଟି ଦଳ ଏହି ଚମ୍ପିଆନସିପରେ ଅଂଶ ଗ୍ରହଣ କରିବେ । ଏହି ଟିମ୍ ଗୁଡିକ ହେଲା ଭାରତ, ଇଂଲଣ୍ଡ, ଅଷ୍ଟ୍ରେଲିଆ, ନ୍ୟୁଜିଲାଣ୍ଡ, ପାକିସ୍ତାନ, ଦକ୍ଷିଣ ଆଫ୍ରିକା, ୱେଷ୍ଟଇଣ୍ଡିଜ୍, ଶ୍ରୀଲଙ୍କା ଓ ବାଂଲାଦେଶ । ପ୍ରତ୍ୟେକ ଟିମ୍ ୬ଟି ଟେଷ୍ଟ ସିରିଜ୍ ଖେଳିବ । ୩ଟି ଘରୋଇ ଏବଂ ୩ଟି ବାହାରେ ପଦ୍ଧତି ଖେଳାଯିବ । ଗୋଟିଏ ଟେଷ୍ଟରେ ବିଜୟ ହାସଲ କଲେ ଏଣିକି ୧୨ପଏଣ୍ଟ, ଡ୍ର ରହିଲେ ୪ ପଏଣ୍ଟ ଓ ଟାଇ ରହିଲେ ୬ପଏଣ୍ଟ ମିଳିବ । ବର୍ତ୍ତମାନ ସୁଦ୍ଧା କେଉଁଠାରେ ଖେଳାଯିବ ତାହା ଘୋଷଣା କରାଯାଇ ନାହିଁ । ଦ୍ୱିତୀୟ ସଂସ୍କରଣରେ ଇଂଲଣ୍ଡ ସର୍ବାଧିକ ୨୧ଟି ମ୍ୟାଚ୍ ଖେଳିବ । ଭାରତ ୧୯ଟି , ଅଷ୍ଟ୍ରେଲିଆ ୧୮ଟି ଟେଷ୍ଟ ଖେଳିବ । ବୋଲିଂରେ ମଧ୍ୟ ଧୀମା ବୋଲିଂ ହାର ନେଇ ପେନାଲ୍ଡି ନିୟମ ଲାଗୁ କରାଯାଇଛି । ପରସେଣ୍ଟେଜ୍ ସିଷ୍ଟମରେ ପଏଣ୍ଟ ଟେବୁଲ୍ ପ୍ରସ୍ତୁତ କରାଯିବ ବୋଲି ଆଇସିସି ପକ୍ଷରୁ ଘୋଷଣା କରାଯାଇଛି ।