ନୂଆଦିଲ୍ଲୀ, (ବାଘୁଆବାର୍ତ୍ତା): ମହାମାରୀ କରୋନା ନେଇଛି ଓଡ଼ିଆ ଆଇଏଏସ୍ ଅଫିସରଙ୍କ ଜୀବନ । ଓଡ଼ିଆ ଆଇଏଏସ୍ ଅଫିସର କେରଳ କ୍ୟାଡରେ କାର୍ଯ୍ୟରତ ଥିଲେ । ଓଡ଼ିଆ ଆଇଏଏସ୍ ଅଫିସର ମହାମାରି ଆକ୍ରାନ୍ତ ହୋଇ ଚିକିତ୍ସାଧିନ ଅବସ୍ଥାରେ ତାଙ୍କୁ ୫୮ବୟସରେ ଦେହାନ୍ତ ହୋଇଛି । ଉକ୍ତ ଆଇଏଏସ୍ ଅଫିସରଙ୍କ ଘର ଓଡ଼ିଶାର ସୁନ୍ଦରଗଡ଼ ଜିଲ୍ଲାରେ । ସୂଚନାନୁସାରେ, ସୁନ୍ଦରଗଡ଼ ଜିଲ୍ଲାର ଓଡ଼ିଆ ଆଇଏଏସ୍ ଅଫିସର ଏଡୱିନ୍ କୁଳଭୂଷଣ ମାଝୀ । ସେ ୧୯୮୯ ବ୍ୟାଚ୍ କେରଳ କ୍ୟାଡର ଆଇଏଏସ ଅଫିସର । କେନ୍ଦ୍ରୀୟ ଡେପୁଟେସନରେ ଯାଇ ଖାଦ୍ୟ ଓ ସାଧାରଣ ବଣ୍ଟନ ବିଭାଗର ଅତିରିକ୍ତ ସଚିବ ଥିଲେ । ହଠାତ୍ ଅସୁସ୍ଥତା ହେବାରୁ କରୋନା ଟେଷ୍ଟ କରିଥିଲେ । ସଂକ୍ରମିତ ହୋଇଥିବା ଜଣାପଡିବା ପରେ ଏକ ଘରୋଇ ହସ୍ପିଟାଲରେ ଆଇଏଏସ ଅଫିସରଙ୍କ ଚିକିତ୍ସା ଚାଲିଥିଲା । ସେଠାରେ ତାଙ୍କର କରୋନାରେ ମୃତ୍ୟୁ ହୋଇଥିବା ଜଣାପଡିଛି । ଗତବର୍ଷ ଆଇଏଏସ ଅଫିସରଙ୍କ ମାଆ କଟକ ଏସସିବି ଚିକିତ୍ସାଧିନ ଅବସ୍ଥାରେ ପ୍ରାଣ ହରାଇଥିବା ବେଳେ ଆଇଏଏସ୍ ଅଫିସରଙ୍କ ସ୍ତ୍ରୀ ମଧ୍ୟ କରୋନାରେ ସଂକ୍ରମିତ ହୋଇ ଚିକିତ୍ସା ଜାରି ରହିଛି । ମହାମାରୀ କରୋନାରେ ଓଡ଼ିଆ ଆଇଏଏସ୍ ଅଫିସର ଏଡୱିନ କୁଳଭୂଷଣ ମାଝୀଙ୍କ ବିୟୋଗ ଖବର ପାଇ କେରଳ ମୁଖ୍ୟମନ୍ତ୍ରୀ ପିନରଇ ବିଜୟନ୍ ଦୁଃଖ ପ୍ରକାଶ କରିଛନ୍ତି ।
