ନୟାଗଡ଼ (ବାଘୁଆବାର୍ତ୍ତା): ଗୋଟିଏ ପରିବାର ସମ୍ପୂର୍ଣ୍ଣ ଧ୍ୱଂସ ହୋଇଛି । ଏଭଳି ଏକ ଅଭାବନୀୟ ଘଟଣା ଦେଖିବାକୁ ମଳିଛି ସୁନ୍ଦରଗଡ଼ରେ । ଅଢ଼େଇ ବର୍ଷର ଶିଶୁ କନ୍ୟା ମୃତ୍ୟୁ ସହ ମା’ର ମୃତଦେହ ଜୁଳନ୍ତା ଅବସ୍ଥରାରେ ଠାବ ହୋଇଛି । ଏହା ହତ୍ୟା ନା ଆତ୍ମହତ୍ୟା ନେଇ ବଢ଼ୁଛି ସସ୍ପେନ୍ସ । ସୁନ୍ଦରଗଡ଼ କୋଇଡା ମସଜିଦ ନିକଟରେ ଥିବା ଏକ ଘରେ ଘଟିଛି ଏହି ଘଟଣା । ଖବର ଅନୁଯାୟୀ, ଜଗତସିଂହପୁର ଅଞ୍ଚଳର ଏକ ପରିବାର ସୁନ୍ଦରଗଡ଼ କୋଇଡା ମସଜିଦ ନିକଟରେ ଭଡା ଘରେ ରହୁଥିଲେ । ସ୍ୱାମୀ ଏକ ଟ୍ରାନ୍ସପୋର୍ଟରେ କାମ କରୁଥିଲେ । ପରିବାରରେ ଥିଲେ ସ୍ୱାମୀ ସ୍ତ୍ରୀ ସହ ଅଢ଼େଇ ବର୍ଷର ଶିଶୁ । ତେବେ ସ୍ୱାମୀ ଓ ସ୍ତ୍ରୀଙ୍କ ମଧ୍ୟରେ କୌଣସି କାରଣକୁ ନେଇ କଳହ ଲାଗି ରହିଥିଲା । ୧୫ ଦିନ ତଳେ ସ୍ୱାମୀ ସ୍ତ୍ରୀ ଏବଂ ଛୁଆଙ୍କୁ ଛାଡି ଅନ୍ୟ ଆଡେ ଚାଲିଯାଇଥିଲେ । ବୁଧବାର ଦିନ ବିଳମ୍ବିତ ରାତିରେ ସ୍ୱାମୀଙ୍କ ନିଖୋଜ ନେଇ ଥାନାରେ ଅଭିଯୋଗ କରିବା ପାଇଁ କୋଇଡା ଥାନାକୁ ଯାଇଥିଲେ ସ୍ତ୍ରୀ । ତେବେ ଥାନାରେ ଲିଖିତ ଅଭିଯୋଗ ନକରି ମୌଖିକ ଅଭିଯୋଗ କରି ଫେରି ଆସିଥିଲେ । ବୁଧବାର ଅଭିଯୋଗ କରିବା ପରେ ଗୁରୁବାର ଘଟିଛି ଅଭାବନୀୟ ଘଟଣା । ଘର ଭିତରୁ ମାଆ ଓ ଅଢ଼େଇ ବର୍ଷର ଶିଶୁ କନ୍ୟାର ମୃତଦେହ ଠାବ ହୋଇଥିବା ବେଳେ କେନ୍ଦୁଝରର ଏକ ଜଙ୍ଗଲରୁ ସ୍ୱାମୀଙ୍କ ମୃତଦେହ ଠାବ ହୋଇଥିôବାର ସୂଚନା ମିଳିଛି । ଘଟଣାସ୍ଥଳରେ ପୋଲିସ ପହଞ୍ଚି ଛାନଭିନ ଜାରି ରଖିଛି । ତେବେ ଏହା ହତ୍ୟା ନା ଆତ୍ମହତ୍ୟା । ପୁଲିସ ଓ ସାଇଣ୍ଟିଫିକ ଟିମର ତଦନ୍ତ ପରେ ସ୍ପଷ୍ଟ ହେବ ।
