ବିକାନେର (ବାଘୁଆବାର୍ତ୍ତା): ବିଏସ୍ଏଫ୍ ରାଜସ୍ଥାନ ଫ୍ରଣ୍ଟିୟରର ବିକାନେରରୁ ଲାଗି ଅନ୍ୟରାଷ୍ଟ୍ରୀୟ ସୀମା ଖାଜୁୱାଲା ଅଞ୍ଚଳରେ ଡ୍ରଗ୍ସ ସ୍ମଗଲିଂର ଖୁଲାସା ହୋଇଛି। ଯାହାକୁ ଜାଣି ଆପଣ ବି ଆଶ୍ଚର୍ୟ୍ୟ ହୋଇଯିବେ । ବାସ୍ତବରେ ବିଏସ୍ଏଫ୍ ଏକ ବଡ଼ କାର୍ୟ୍ୟାନୁଷ୍ଠାକୁ ସଫଳ କରି ବଡ଼ ଡ୍ରଗ୍ସ କାରବାରର ପର୍ଦ୍ଦାଫାସ୍ କରିଛି । ମୁଖ୍ୟ କଥା ହେଲା ଏହି ସ୍ମଗଲିଂରେ ଯେଉଁ ସାମଗ୍ରୀ ମିଳିଛି , ଏହାର ଆକାର ଏକ ଅଜଗର ପରି ବା ଏକ ପାଇପ୍ଲାଇନ୍ ଭଳି ଦେଖାଯାଉଛି । କୁହାଯାଉଛି କି, ସ୍ମଗଲରମାନେ ଏପରି ଏଇଥି ପାଇଁ କରିଥିଲେ , ଏହି କାରବାର ବିଷୟରେ ଯେମିତି ପୁଲିସ୍ ଓ ସୁରକ୍ଷା ଯବାନଙ୍କୁ ସନ୍ଦେହ ନହେଉ , କିନ୍ତୁ ବିଳମ୍ୱିତ ରାତ୍ରିରେ ଯେବେ ସୀମାରେ ହଲଚଲ୍ ଆରମ୍ଭ ହେଲା , ବିଏସ୍ଏଫ୍ ଯବାନମାନେ ବର୍ଡର ପୋଷ୍ଟରେ ସ୍ମଗଲରଙ୍କୁ ଚ୍ୟାଲେଞ୍ଜ ଦେଲେ । ସୁରକ୍ଷା ଯବାନଙ୍କ ଶବ୍ଦ ଶୁଣି ପାକିସ୍ତାନରୁ ଆସିଥିବା ସ୍ମଗଲରମାନେ ସେଠାରୁ ପଳାଇଥିଲେ । ଡ୍ରଗ୍ସ ବିରୋଧରେ ଏହା ଆଜିସୁଦ୍ଧା ସବୁଠୁ ବଡ଼ କାର୍ୟ୍ୟାନୁଷ୍ଠାନ ବୋଲି କୁହାଯାଇଛି । ସୀମା ଆରପଟୁ ପାକିସ୍ତାନ ସୀମାରୁ ପାଇପ୍ ଲାଇନ୍ ଦ୍ୱାରା ଭାରତୀୟ ସୀମାକୁ ଫିଙ୍ଗା ଯାଇଥିବା ୫୪ ପ୍ୟାକେଟ୍ ହେରୋଇନ୍ ଜବତ କରାଯାଇଛି । ଏହି କାର୍ୟ୍ୟାନୁଷ୍ଠାନ ସମୟରେ ସୀମାରେ ଜବରଦସ୍ତ ଝଡ଼ ତୋଫାନ ଆରମ୍ଭ ହୋଇଥିଲା । ଏହାର ସୁଯୋଗରେ ସେମାନେ ଏହି ନିଶା କାରବାର କରୁଥିଲେ । ଆଉ ମଧ୍ୟ ଏହାର ସୁଯୋଗରେ ସେ ଫେରାର୍ ହେବାରେ ସଫଳ ହୋଇଥିଲେ ।
ସୀମାନ୍ତରେ ପାକିସ୍ତାନୀ ସ୍ମଗଲରଙ୍କ ବୁଦ୍ଧିକୁ ତାରିଫ କରିବାକୁ ପଡିବ
