ରାଞ୍ଚି, (ବାଘୁଆବାର୍ତ୍ତା): ଜମି ଦୁର୍ନୀତି ମାମଲାରେ ଇଡି ଦ୍ବାରା ଗିରଫ ହୋଇଥିବା ଝାଡ଼ଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ତଥା ଝାଡ଼ଖଣ୍ଡ ମୁକ୍ତି ମୋର୍ଚ୍ଚା (ଜେଏମ୍ଏମ୍) ନେତା ହେମନ୍ତ ସୋରେନଙ୍କୁ ଫେବ୍ରୁଆରି ୫ ଓ ୬ ତାରିଖରେ ବିଧାନସଭାରେ ଆସ୍ଥା ଭୋଟରେ ଭାଗ ନେବାକୁ ଅନୁମତି ମିଳିଛି। ରାଞ୍ଚିର ଏକ ସ୍ୱତନ୍ତ୍ର ଅଦାଲତ ଝାଡ଼ଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ହେମନ୍ତ ସୋରେନଙ୍କୁ ଆସ୍ଥା ଭୋଟରେ ଅଂଶଗ୍ରହଣ କରିବାକୁ ଅନୁମତି ଦେଇଛନ୍ତି। ଗତ ଜାନୁଆରୀ ୩୧ରେ ଗିରଫ ହୋଇ ୫ ଦିନିଆ ରିମାଣ୍ଡରେ ଥିବା ହେମନ୍ତ ସୋରେନ ରାଜ୍ୟର ନୂଆ ଚମ୍ପାଇ ସୋରେନ ସରକାରଙ୍କ ଆସ୍ଥା ଭୋଟରେ ଭାଗ ନେବାକୁ ଅନୁମତି ଦେବାକୁ ଏକ ସ୍ବତନ୍ତ୍ର କୋର୍ଟରେ ଆବେଦନ କରିଥିଲେ । କୋର୍ଟ ତାଙ୍କ ଆବେଦନ ଗ୍ରହଣ କରିଛନ୍ତି । କ୍ୟାବିନେଟ୍ରେ ସଂଖ୍ୟାଗରିଷ୍ଠତା ହାସଲ କିରବା ପାଇଁ ୫ ଓ ୬ ଫେବ୍ରୁଆରୀରେ ବିଧାସନାଭା ଅଧିବେଶନ ଡକାଯାଇଛି। ଏହି ଦୁଇଦିନ ଭିତରେ ଝାଡଖଣ୍ଡ ସରକାର ଆସ୍ଥା ଓ ସଂଖ୍ୟାଗରିଷ୍ଠତା ପ୍ରଦର୍ଶନ କରିବେ। ଅନ୍ୟପଟେ ଝାଡଖଣ୍ଡରେ ଆସ୍ଥା ଭୋଟ୍ ପୂର୍ବରୁ ଶାସକ ଜେଏମ୍ଏମ୍ ଘୋଡ଼ ବେପାର ଭୟରେ ନିଜର ସମସ୍ତ ୪୦ ବିଧାୟକଙ୍କୁ ହାଇଦ୍ରାବାର ଏକ ରିଜର୍ଟକୁ ପଠାଇ ଦେଇଛି। ଫ୍ଲୋରଟେଷ୍ଟ ନିଜ ଏ ସମସ୍ତ ବିଧାୟକ ଝାଡଖଣ୍ଡ ଆସି ପହଞ୍ଚିବେ।
ଆସ୍ଥା ଭୋଟ୍ରେ ଭାଗ ନେବେ ହେମନ୍ତ ସୋରେନ
