ନୟାଗଡ, (ବାଘୁଆବାର୍ତ୍ତା): ନୟାଗଡ଼ ଜିଲ୍ଲାରେ ସମନ୍ୱିତ ସ୍ୱାସ୍ଥ୍ୟ ସର୍ବେକ୍ଷଣ ଅଭିଯାନ ଜୁନ ୨୧ ରୁ ସେପ୍ଟେମ୍ବର ୨୦ ତାରିଖ ଯାଏ ଅଭିଯାନ ଚାଲିବ । ଏହି ଅଭିଯାନରେ ଆଶା, ଅଙ୍ଗନୱାଡି କର୍ମୀ ଘରକୁ ଘର ଯାଇ ସ୍ୱାସ୍ଥ୍ୟ ସମସ୍ୟା ବୁଝୁଛନ୍ତି । କୋଭିଡି ଉପରେ ସଚେତନତା, ମାସ୍କ ପିନ୍ଧିବା, ହାତ ସାନିଟାଇଜର କରିବା ବିଷୟରେ ଲୋକ ମାନଙ୍କୁ ବୁଝାଉଛନ୍ତି ଏବଂ ରୋଗର ଲକ୍ଷଣ ଜଣା ପଡିଲେ ତୁରନ୍ତ ସ୍ୱାସ୍ଥ୍ୟ କେନ୍ଦ୍ରକୁ ଯିବା ପାଇଁ ପରାମର୍ଶ ଦେଉଛନ୍ତି । କୋଭିଡ, ଡେଙ୍ଗୁ, ମ୍ୟାଲେରିଆ, ଡାଇରିଆ, ଯକ୍ଷ୍ମା, କୁଷ୍ଠ, ଫାଇଲେରିଆ ଲକ୍ଷଣ ଥିଲେ ପରୀକ୍ଷା କରିବେ । ଲକ୍ଷଣ ଥିଲେ ଡାକ୍ତରଖାନାକୁ ପଠାଇ ଚିହ୍ନଟ ଓ ଚିକିତ୍ସା ବ୍ୟବସ୍ଥା କରାଇବେ । ବଡ଼ ପଣ୍ଡୁସରର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ପକ୍ଷ୍ୟରୁ ଏହି ଅଭିଯାନ ଚାଲୁଅଛି । ସମନ୍ୱିତ ସ୍ୱାସ୍ଥ୍ୟ ସର୍ବେକ୍ଷଣ ଅଭିଯାନକୁ ସଫଳ କରିବା ପାଇଁ ଭାରପ୍ରାପ୍ତ ଚିକିତ୍ସା ଅଧିକାରୀ ଡ.ଆଶୁତୋଷ ପଟ୍ଟନାୟକ ସମସ୍ତ ଅଧିକାରୀ ମାନଙ୍କୁ ବୁଝାଇଥିଲେ । ଏକ ସ୍ୱତନ୍ତ୍ର ଫର୍ମାଟରେ ପ୍ରତିଘରର ତଥ୍ୟ ରହିବା ସମ୍ପର୍କରେ ବୁଝାଇଥିଲେ । ଦିଲ୍ଲୀପ କୁମାର ପ୍ରଧାନ, ବିଶ୍ୱରଞ୍ଜନ ସୁବୁଦ୍ଧି, ପ୍ରଭାକର ପଲେଇ, ଦୀପକ ଦଳବେହେରା, ସୁଜିତ ସାହୁ, ସ୍ୱର୍ଣ୍ଣଲତା ପରିଡା, ସନ୍ତୋଷ ଭୁଜବଳ, ସତ୍ୟ ସତପଥୀ ବ୍ଲକର ସମସ୍ତ ସ୍ୱାସ୍ଥ୍ୟ ପରିଦର୍ଶକ, ସ୍ୱାସ୍ଥ୍ୟକର୍ମୀ, ଆଶା ଓ ଅଙ୍ଗନୱାଡି କର୍ମୀ ଅଭିଯାନରେ ସାମିଲି ହୋଇ ସଚେତନ କରାଉଅଛନ୍ତି ।
