ବାଲିପାଟଣା (ବାଘୁଆବାର୍ତ୍ତା): କରୋନା ମହାମାରୀ ପାଇଁ ଲକଡାଉନ, ସଟଡାଉନ୍ ଭଳି କଟକଣା ଜାରି କରିଛନ୍ତି । ମାତ୍ର କିଛି ଅମାନିଆ ବ୍ୟବସାୟୀ ଲଗାମ ହିନ ହୋଇଛନ୍ତି । ଡ୍ରେସ୍ ଦୋକାନ ସାମ୍ନା ରେ ତାଲା ଝୁଲୁଛି । ଦୋକାନ ଭିତରେ ଜମୁଛି ବେପାର । ରାଜଧାନୀ ଉପକଣ୍ଠ ବାଲିପାଟଣାର ଏହା ହେଉଛି ଦୃଶ୍ୟ । ରାସ୍ତା କଡରେ ଥିବା ଏହି ଦୋକାନକୁ ଦେଖିଲେ ଲାଗିବ ଦୋକାନ ବନ୍ଦ । ମାତ୍ର ଦୋକାନ ଭିତର ଦୃଶ୍ୟ କିନ୍ତୁ ଅଲଗା । ଗ୍ରାହକଙ୍କୁ ଲୁଗାପଟା ବିକ୍ରି କରିବାରେ ଦୋକାନୀ ପୁରା ବ୍ୟସ୍ତ । ଜଣେ ଦୋକାନ କର୍ମଚାରୀ ଏହିଠାରେ ମଧ୍ୟ ଜଗି ବସିଛି ତାଲାର ଚାବି ଧରି । ଗ୍ରାହକ ପହଁଞ୍ଚିଲେ ତାଲା ଖୋଲି ଭିତରକୁ ଛାଡ଼ୁଛନ୍ତି । ପୁଣି ତାଲା ପକାଇ ଦେଉଛନ୍ତି । କାଳେ କୌଣସି ସରକାରୀ ଅଧିକାରୀ ସନ୍ଦେହ କରି ଚଢାଉ କରିବେ ସେଥିପାଇଁ ଦୋକାନ ସାମ୍ନାରୁ ଗ୍ରାହକ ମାନଙ୍କର ଚପଲ ଲୁଚାଯାଇଛି । ଗ୍ରାହକଙ୍କ ଗାଡ଼ି ମଧ୍ୟ ଏକ ପାଖିଆ କରି ରଖାଯାଇଛି । ଆଗକୁ ସାବିତ୍ରୀ ଏବଂ ରଜ ଆସୁଥିବାରୁ ଲୁଗା, ଡ୍ରେସ୍ କିଣିବା ପାଇଁ ଲୋକେ ବ୍ୟାକୁଳ । ଆଉ ଏହି ମୌକା କୁ ଦୋକାନୀ ବି ହାତଛଡା କରୁନାହାନ୍ତି । ତେବେ ଏଭଳି ସ୍ଥିତିରେ ସଂକ୍ରମଣ ବଢିଲେ ଦାୟୀ କିଏ ରହିବ ?
