ନୟାଗଡ଼ (ବାଘୁଆବାର୍ତ୍ତା) କେଶର ବୃଦ୍ଧି ତଥା ଏହା କିପରି ନ ଉପୁଡିବ ସେଥିପାଇଁ ନିୟମିତ କେଶ ପରିଚର୍ଯ୍ୟା ନିହାତି ଆବଶ୍ୟକ । ପରିଷ୍କାର ପାନିଆରେ ଅନ୍ତତଃ ଦୁଇଥର ସାମ୍ପୁ କରିବା ତଥା ପ୍ରୋଟିନଯୁକ୍ତ ଖାଦ୍ୟ ଖାଇବା ହେଉଛି କେଶ ପରିଚର୍ଯ୍ୟାର ମୁଖ୍ୟ ଅଙ୍ଗ । ସପ୍ତାହରେ ଥରେ ସାମ୍ପୁ କରିବାର ପୂର୍ବ ଦିନ ଗରମ ତେଲ ମାଲିସ (ଆପଣ ଲଗାଉଥିବା ତେଲ) କରିବେ । ଏହାଛଡା କେଶର ବୃଦ୍ଧି ପାଇଁ ଶ୍ୱେତସାର, ପୃଷ୍ଟିସାର, ସ୍ନେହସାର, ଧାତୁସାର ଓ ଭିଟାମିନର ମଧ୍ୟ ଆବଶ୍ୟକତା ରହିଛି । ଅନେକ ମହିଳା ମୁଣ୍ଡ ଶୁଖାଇବା ପାଇଁ ମୁଣ୍ଡ ଶୁଖା ଯନ୍ତ୍ର ବ୍ୟବହାର କରିଥାନ୍ତି, କେତେକ ବାଳକୁ କୁଞ୍ଚିତ କରିବା ପାଇଁ ମଧ୍ୟ ଯନ୍ତ୍ରର ସାହାଯ୍ୟ ନିଅନ୍ତି । ଏହାଦ୍ୱାରା କେଶ ଉପୁଡେ । ପ୍ରଥମ କେଶ ଉପୁଡିବାର କାରଣଟିକୁ ଆପଣ ଲକ୍ଷ୍ୟ କରିବେ ଓ ତା’ପରେ ପ୍ରତିକାର କରିବେ । ମୋଟ କଥା ହେଲା ଉତ୍ତମ ସ୍ୱାସ୍ଥ୍ୟ ଓ ପୁଷ୍ଟିକର ଖାଦ୍ୟ ସେବନ କେଶ ବୃଦ୍ଧିକୁ ଉତ୍ସାହିତ କରିଥାଏ । ଯଦି ଅଧିକ ପରିମାଣରେ ମୁଣ୍ଡରୁ କେଶ ଝଡୁଥାଏ, ତାହାହେଲେ ରୁପି ହୋଇଯିବାର ସମ୍ବାବନା ଥାଏ । କେଶ ଝଡିବା ବା କେଶ କୁଣ୍ଡାଇହେବା ନେଇ ଅଧିକାଂଶ ମହିଳା ଚିନ୍ତିତ ରହିଥାନ୍ତି । ବେଳେବେଳେ ଦେଖାଯାଏ କେଶ ଏତେ ପରିମାଣରେ ମୁଣ୍ଡରୁ ଝଡେ ଯେ, ଚନ୍ଦା ହେବାର ଆଶଙ୍କା ଦେଖାଯାଏ । ଏହା କେବଳ ଆମମାନଙ୍କ ଅଜ୍ଞତା ଓ ଆନ୍ତରିକତା ଅଭାବରୁ ହୋଇଥାଏ । କେଶକୁ ପ୍ରକୃତ ଦେଖାଶୁଣା ଅଭାବରୁ ଏପରି ହୋଇଥାଏ । ତାହାହେଲେ ଆସନ୍ତୁ ଜାଣିବା ଏହାର କାରଣ କ’ଣ ଓ ଏହାର ଉପଚାର କ’ଣ? ପ୍ରଥମେ କେଶ ମୂଳ ଓ କେଶ ସଫାକରିବା ନିତାନ୍ତ ଜରୁରୀ । ରୁପି ହେବା କାରଣରୁ କେଶ ଝଡିବା ଆରମ୍ଭ କରିଥାଏ । ତେଣୁ ପ୍ରଥମେ ରୁପି କିପରି ହେବ ନାହିଁ ସେଥିପାଇଁ ଦୃଷ୍ଟିଦେବା ଆବଶ୍ୟକ । ଆଉ ମଧ୍ୟ କେତେକ ସମସ୍ୟାରୁ କେଶ ଝଡିବା ଆରମ୍ଭ ହୋଇଥାଏ । ଯେଭଳି ଜ୍ୱର, ପେଟରୋଗ, ହଠାତ ଓଜନ ବଢ଼ିବା, ହର୍ମୋନରେ ଅସନ୍ତୁଳନ, ଏନିମିଆ, ଡେଲିଭରି, ପୌଷ୍ଟିକ ଆହାରର ଅଭାବ ଆଦି କାରଣ ଏଥିରେ ଅନ୍ତର୍ଭୁକ୍ତ । ବିଭିନ୍ନ ପ୍ରକାରର ତେଲ ଲଗାଇବା ଦ୍ୱାରା ମଧ୍ୟ କେଶ ଉପୁଡିଥାଏ । ପ୍ରକୃତ ସମସ୍ୟାର ସମାଧାନ ହେଲେ କେଶ ଉପୁଡିବା ଆପେଆପେ ବନ୍ଦ ହୋଇଯାଏ । କହିବାର ଉଦ୍ଦେଶ୍ୟ ହେଲା – କେଶର ସମ୍ପର୍କ ସ୍ୱାସ୍ଥ୍ୟ ଉପରେନିର୍ଭର କରିଥାଏ । ଅନ୍ତତଃ ସୁସ୍ଥ କେଶ ପାଇବା ପାିଁ ପ୍ରଥମେ ନିଜେ ସୁସ୍ଥ ରହିବା, ଯତ୍ନବାନ ହେବା ଆବଶ୍ୟକ ଓ ସୁସ୍ଥ ହେବା ଓ ସୁସ୍ଥ କେଶ ପାଇଁ ଆପଣ କେତୋଟି ନିମ୍ନ କଥାକୁ ମନେରଖିବା ଉଚିତ । ଟିପସ-ସବୁଜ ପନିପରିବା, ତାଜାଫଳ, ଦସ୍ୱଜ୍ଞା ଦହି, ପ୍ରୋଟିନ ଓ ଆଇରନଯୁକ୍ତ ଭୋଜନ ନିୟମିତ ଭାବରେ କରନ୍ତୁ । ଦୈନିକ ବ୍ୟାୟାମ ଆପଣ ତଥା ଆପଣଙ୍କ କେଶକୁ ସୁସ୍ଥ ରଖିଥାଏ । କେଶ ଠିକ ପୋଷଣ ପାଇଁ ତେଲ ଲଗାଇବା ଅତି ଜରୁରୀ । ଏହା ଅଧିକ ଲାଭଦାୟକ ହୋଇଥାଏ । ଯନ୍ତ୍ରଣା ଓ ଚିନ୍ତାମୁକ୍ତ ରହିବା ଆବଶ୍ୟକ । ଅଧିକ ଚିନ୍ତା ଦ୍ୱାରା କେଶ ଉପୁଡିଥାଏ । ସଦା ସର୍ବଦା ଭଲ ସାମ୍ପୁ ବ୍ୟବହାର କରିବା ଉଚିତ
