କେସିଙ୍ଗା (ବାଘୁଆବାର୍ତ୍ତା): ରାଜ୍ୟରେ କୋଭିଡ ସଂକ୍ରମଣ ର ଦ୍ୱିତୀୟ ଲହର ଚାଲିଛି । ତେବେ ରାଜ୍ୟରେ ସଂକ୍ରମଣକୁ ଭାଙ୍ଗିବା ପାଇଁ ସରକାର ବିଭିନ୍ନ ପଦକ୍ଷେପ ନେବା ସହ ଗତ ୫ ତାରିଖ ରୁ ଆସନ୍ତା ୧୯ ତାରିଖ ପର୍ଯ୍ୟନ୍ତ ୧୪ ଦିନିଆ ଲକ ଡାଉନ ଘୋଷଣା କରିଥିବା ବେଳେ ଶନିବାର ଓ ରବିବାର ଦିନକୁ ସପ୍ତାହନ୍ତ ସଟଡାଉନ ଘୋଷଣା କରିଛନ୍ତି । ରାଜ୍ୟରେ ଲକଡାଉନ ଓ ସଟଡାଉନ ଜାରି ରହିଥିଲେ ମଧ୍ୟ କେତେକ ଅମାନିଆ ଆଇନକୁ ଉଲଂଘନ କରୁଥିବା ଅଭିଯୋଗ ହେଉଛି । ଏମିତି କି କୋଭିଡ ନିୟମ କଟକଣା କୁ ଉଲଂଘନ କରି କେତେକ ବ୍ୟବସାୟୀ ନିଜର ଦୋକାନ ମଧ୍ୟ ଖୋଲୁଥିବା ବେଳେ ସ୍ଥାନୀୟ ପ୍ରଶାସନ ସେମାନଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରିଥିବା ଦେଖିବାକୁ ମିଳିଛି କଳାହାଣ୍ଡି ଜିଲ୍ଲା କେସିଙ୍ଗା ସହରରେ । ଲକ ଡାଉନ ସତ୍ତେ୍ୱ ନିୟମକୁ ଉଲଂଘନ କରି ଆଜି କେସିଙ୍ଗା ସହରରେ ଖୋଲାଯାଇଥିବା ୫ ଗୋଟି ଦୋକାନକୁ ସ୍ଥାନୀୟ ଏନଏସି ପ୍ରଶାସନ ପକ୍ଷରୁ ସିଲ କରାଯାଇଛି । କେସିଙ୍ଗା ଏନଏସି ନିର୍ବାହୀ ଅଧିକାରୀ ସିଦ୍ଧାର୍ଥ ପଟ୍ଟନାୟକଙ୍କ ଉପସ୍ଥିତି ରେ ଏନଏସି କର୍ମଚାରୀ ମାନଙ୍କ ଦ୍ୱାରା ଦୋକାନ ସିଲ ହୋଇଥିବା ଜଣାପଡିଛି ।
