ଜାଲ୍ ବିଲ୍ କରି ଫସିଲେ ନକଲି କଂପାନିର ମାଲିକ

ନୟାଗଡ଼, (ବାଘୁଆବାର୍ତ୍ତା): ଗୁଡ୍ ସର୍ଭିସ୍ ଟ୍ୟାକ୍ସ(ଜିଏସଟି) ହାତରେ ଜାଲ ବିଲ୍ । ଧରାହେଲା ଜାଲ ବିଲର ମୁଖ୍ୟ କାର୍ପାସଦାର । ୧୦୬ କୋଟି ଟଙ୍କାର ଜାଲ୍ ବିଲ୍ କରି ବନ୍ଧା ହେଲେ ନକଲି କଂପାନିର ମାଲିକ । ଏନେଇ ସୂଚନା ଦେଇଛନ୍ତି ସିଟି ଜିଏସଟି କମିଶନର ସୁଶୀଲ ଲୋହାନୀ । ସୂଚନାନୁସାରେ, ଭୁବନେଶ୍ୱର ଏସ୍.ଆର ଏଣ୍ଟରପ୍ରାଇଜର୍ସ କଂପାନୀ ନାମରେ ବଡ଼ ଧରଣର ଠକେଇ କରାଯାଇଛି । କାଗଜ ପତ୍ରରେ ଚାଲିଥିଲା କଂପାନୀ । ଅନୁଗୁଳ, ଯାଜପୁର, ରାଉଲକେଲା, ଜଗତସିଂହପୁର, ପାରାଦ୍ୱୀପ ଓ ଭୁବନେଶ୍ୱରରେ ନକଲି ଫାର୍ମରେ ଜାଲ ବିଲ୍ କରି ଲୁଟି ଚାଲିଥିଲେ କୋଟି କୋଟି ଟଙ୍କା । ବେକାର ଯୁବକ, ଗୃହିଣୀ, କୃଷକ, ଦିନ ମଜୁରିଆ ଓ ବରିଷ୍ଠ ନାଗରିକଙ୍କ ନାମରେ ଏହିସବୁ ଫାର୍ମ କରିଥିଲେ । ଦେଢ ବର୍ଷରେ ୧୮ଜଣ ଜିଏସଟି ଠକଙ୍କୁ ଗିରଫ୍ କରାଯାଇଛି । ଗତ ଦୁଇଟି ଆର୍ଥିକ ବର୍ଷରେ ୧୯ହଜାର ୫ଶହ ୩୯ଜଣଙ୍କ ବ୍ୟବସାୟୀଙ୍କ ପଞ୍ଜିକରଣ ରଦ୍ଦ କରାଯାଇଛି । ତେବେ ନୟାଗଡ଼ ଜିଲ୍ଲାରେ ମଧ୍ୟ ଜାଲ ବିଲ୍ କରି ଲକ୍ଷାଧିକ ଟଙ୍କାର ଜିଏସଟି ଫାଙ୍କୁଥିବା ଚର୍ଚ୍ଚା କରାଯାଉଥିଲେ ମଧ୍ୟ କୁମ୍ଭକର୍ଣ୍ଣ ନିଦ୍ରାରେ ନୟାଗଡ଼ ଜିଏସଟି କର୍ମଚାରୀ ।