ନୂଆଦିଲ୍ଲୀ, (ବାଘୁଆବାର୍ତ୍ତା): ବିଶ୍ୱ ବଜାରରେ ମାନ୍ଦାବସ୍ଥା କାରଣରୁ ସୁନା ଓ ରୁପାର ମୂଲ୍ୟ ହ୍ରାସ ପାଇଛି । ରୁପାର ଦାମ୍ ମଧ୍ୟ କମିଛି । ସୋମବାର ମଲ୍ଟି କମୋଡିଟି ଏକ୍ସଚେଞ୍ଜ ବା ଏମସିଇରେ ସୁନା ଦର ୦.୧୬ ପ୍ରତିଶତ ହ୍ରାସ ପାଇଥିବା ବେଳେ ରୁପାର ଦାମ୍ ବି ୦.୩ ପ୍ରତିଶତ କମିଛି । ଏମସିଇରେ ସୁନା ସୋମବାର ୧୦ ଗ୍ରାମ ପିଛା ୪୭୯୨୬ ଟଙ୍କାରେ କାରବାର କରୁଥିବା ବେଳେ ରୁପାର ଦାମ କେଜି ପିଛା ରହିଛି ୬୭୮୬୫ ଟଙ୍କା । ଗତ ସପ୍ତାହରେ ସୁନା ପ୍ରାୟ ୪୦୦ ଟଙ୍କା କମିଥିଲା । ରୁପାର ଦାମ୍ ମଧ୍ୟ ଅହେତୁକ ହ୍ରାସ ପାଇଥିଲା । ଭାରତୀୟ ବଜାର ନୁହେଁ, ବିଶ୍ୱ ବଜାରରେ ବି ସୁନା ଚମକ ହରାଇଛି । ଆଜିର ଦିନରେ ସୁନା ଆଉନ୍ସ ପିଛା ୧୮୦୯.୨୧ ଡଲାର ରହିଛି । ସେହିପରି ରୁପାର ଆଉନ୍ସ ପିଛା ଦାମ୍ ରହିଛି ୨୫.୩୭ ଡଲାର । ପ୍ଲାଟିନମର ଦାମ୍ ଆଉନ୍ସ ପିଛା ୦.୬ ପ୍ରତିଶତ ବୃଦ୍ଧି ପାଇ ୧୦୫୪.୭୨ ଡଲାର ହୋଇଯାଇଛି । ଗତବର୍ଷ ଅଗଷ୍ଟ ତୁଳନାରେ ଏବେ ସୁନାର ଦାମ୍ ୮୨୭୪ ଟଙ୍କା କମିଛି । ଗତବର୍ଷ ଅଗଷ୍ଟରେ ୧୦ ଗ୍ରାମ ସୁନାର ଦାମ ୫୬୨୦୦ ଟଙ୍କା ଥିଲା । ଯାହା ଏବେ ୪୭୯୨୬ ରହିଛି ।
