ନୟାଗଡ଼ (ବାଘୁଆବାର୍ତ୍ତା): ଚାଉଳିଆଗଞ୍ଜ ଥାନା ପୁଲିସକୁ ମିଳିଛି ବଡ଼ ଧରଣର ସଫଳତା । ୩ ବାଇକ ଲୁଟେରାଙ୍କୁ ଗିରଫ କରିବା ସହ ୧୮ଟି ଚୋରା ବାଇକ ଜବତ କରିଛି ପୁଲିସ । କଟକର ଶିଶୁ ଭବନ, ଏସ ସି ବି ମେଡିକାଲ ଓ କୋର୍ଟ ନିକଟରୁ ରିତିମତ ଲୁଟ କରୁଥିଲେ ଏହି ଲୁଟେରା ଗ୍ୟାଙ୍ଗ । ଆଉ ଲୁଟେରାଙ୍କ ପସନ୍ଦ ରେ ଥିଲା ଗ୍ଲାମର ଗାଡ଼ି । ଆପଣ ହିରୋ ହୋଣ୍ଡା ଗ୍ଲାମର ଗାଡ଼ି ଚଢୁଛନ୍ତି କି ହୋଇ ଯାଆନ୍ତୁ ସାବଧାନ । କାରଣ ଲୁଟେରାଙ୍କ ଟାର୍ଗେଟରେ ଏବେ ଗ୍ଲାମର ଗାଡ଼ି । ଏଭଳି ତିନି ଜଣିଆ ଲୁଟେରା ଗ୍ୟାଙ୍ଗ କୁ ଧରିବାରେ ସଫଳ ହୋଇଛି ଚାଉଳିଆଗଞ୍ଜ ଥାନା ପୁଲିସ । ଅଭିଯୁକ୍ତଙ୍କ ଠାରୁ ୧୮ଟି ବାଇକ ଜବତ କରାଯାଇଥିବା ବେଳେ ସେଥି ମଧ୍ୟରୁ ୧୩ଟି ଗ୍ଲାମର ଗାଡ଼ି ଥିବା କହିଛନ୍ତି ଡିସିପି । ହିରୋ ହୋଣ୍ଡା ଗ୍ଲାମର ଗାଡ଼ି ଖୋଲିବା ରେ ସହଜ ହେଉଥିବାରୁ ଗ୍ଲାମର ଗାଡ଼ି କୁ ଲୁଟେରା ମାନେ ଟାର୍ଗେଟ କରୁଥିବା ଡିସିପି ପ୍ରତୀକ ସିଂହ କହିଛନ୍ତି । ଲୁଟେରାମାନେ ଖାସକରି କଟକ ଏସ ସି ବି ମେଡିକାଲ, ଶିଶୁଭବନ ଓ କୋର୍ଟ ଅଞ୍ଚଳରୁ ଚୋରି କରୁଥିଲେ । ଏହି ଅଞ୍ଚଳରେ ଲୋକ ଭିଡ ରହୁଥିବା ସହ କାର୍ଯ୍ୟବ୍ୟସ୍ତ ରହୁଥିବାରୁ ଏହାର ସୁଯୋଗ ନେଇ ଏହି ଲୁଟେରାମାନେ ଲୁଟ କରୁଥିଲେ । ତେବେ ଗତକାଲି ଓଏମପି ଛକରେ ଗାଡ଼ି ଯାଞ୍ଚ ବେଳେ ଚୋରା ବାଇକ ନେଇ ଯାଉଥିବା ଦୁଇ ଅଭିଯୁକ୍ତଙ୍କୁ ଗିରଫ କରିବା ପରେ ଖୋଲିଥିଲା ବାଇକ ଲୁଟେରା ଗ୍ୟାଙ୍ଗର ରହସ୍ୟ । ଗିରଫ ଅଭିଯୁକ୍ତ ମାନେ କଟକରୁ ବାଇକ ଚୋରି କରିବା ପରେ ଗ୍ରାମାଞ୍ଚଳରେ କମ ରେଟ ରେ ବିକ୍ରି କରୁଥିବା କହିଛନ୍ତି ଡିସିପି ପ୍ରତୀକ ସିଂହ ।
