ଓଡ଼ଗାଁ(ବାଘୁଆବାର୍ତ୍ତା): ଗତ କିଛି ମାସ ତଳେ ଶରଣକୁଳ ଥାନା ଅନ୍ତର୍ଗତ ନରେନ୍ଦ୍ରପୁର ଗ୍ରାମରେ ଏକ ସିରିୟଲ ସଡକ ଦୁର୍ଘଟଣାର ବିଭୀଷିକାରେ ୬ ଜଣଙ୍କର ମୃତ୍ୟୁ ଘଟିଥିବାବେଳେ ଗତକାଲି ଶରଣକୁଳ ନରେନ୍ଦ୍ରପୁର ନିକଟରେ ଆଉ ଏକ ଅଭାବନୀୟ ସଡକ ଦୁର୍ଘଟଣା ଘଟିଅଛି ।
ସୂଚନା ଅନୁଯାୟୀ ଗତକାଲି ଅପରାହ୍ନରେ ନୟାଗଡରୁ ଓଡ଼ଗାଁ ଅଭିମୁଖେ ଆସୁଥିବା ଏକ ଆଜବେଷ୍ଟ ବୋଝେଇ ଓଡ଼ି ୦୨ ବିସି ୨୨୧୯ ନଂ ବିଶିଷ୍ଟ ଟ୍ରକ ନରେନ୍ଦ୍ରପୁର ଗ୍ରାମଠାରେ ଭାରସାମ୍ୟ ହରାଇ ନରେନ୍ଦ୍ରପୁର ନିବାସୀସୁବାସସାହୁଙ୍କ ଘର ଉପରେ ଚଢ଼ିଯାଇଥିଲା।ଯାହା ଫଳରେ କାନ୍ଥଭାଙ୍ଗିଯିବା ଦ୍ୱାରା ଘର ମଧ୍ୟରେ ଥିବା ସୁବାସ ସାହୁ ଏବଂ ତାଙ୍କ ସ୍ତ୍ରୀ କାଲିକା ସାହୁ ଗୁରୁତର ଆହତ ହେବା ସହ ଅଳ୍ପକେ ମୃତ୍ୟୁମୁଖରୁ ବର୍ତ୍ତିଯାଇଛନ୍ତି ।ଉଭୟ ଗୁରୁତରଙ୍କୁ ଶରଣକୁଳ ଡାକ୍ତରଖାନାରେ ଭର୍ତ୍ତି କରାଯାଇଛି ।ଯାହା ଫଳରେ କିଛି ସମୟ ପାଇଁ ଘଟଣା ସ୍ଥଳରେ ଚାପା ଉତ୍ତେଜନା ଦେଖିବାକୁ ମିଳିଥିଲା।ଖବର ପାଇ ଶରଣକୁଳ ଥାନା ପୋଲିସ ଘଟଣା ସ୍ଥଳରେ ପହଞ୍ଚି ଡ୍ରାଇଭର ଏବଂ ଟ୍ରକକୁ ଅଟକ ରଖିଥିବା ସୂଚନା ମିଳିଅଛି ।
