ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ ଜିଲ୍ଲା ମୋବାଇଲ ଅବକାରୀ ସ୍କ୍ୱାଡ ବିଭାଗକୁ ମିଳିଛି ବଡ଼ ସଫଳତା । ଜଣେ ଯୁବକଙ୍କ ଠାରୁ ୪ କେଜି ଗଞ୍ଜେଇ ଜବତ କରିବାରେ ସଫଳ ହୋଇଛି । ଯାହାର ଆନୁମାନିକ ମୂଲ୍ୟ ୪୦ ହଜାର ଟଙ୍କା ହେବ । ଖୋର୍ଦ୍ଧା ଜିଲ୍ଲା ଜଙ୍କିଆ ଥାନା ପାଚିଲା ଆମ୍ବ ସାହି ସିକୋ ଗ୍ରାମର ମଙ୍ଗୁଳି ମହାରଣାଙ୍କ ପୁଅ ପ୍ରତାପ ମହାରଣାଙ୍କୁ ଅବକାରୀ ସ୍କ୍ୱାଡ ଗିରଫ କରିଛି । ଅବକାରୀ ସ୍କ୍ୱାଡ ଆଜି ସକାଳ ୯ଟା ସମୟରେ ନୟାଗଡ଼ ଟାଉନ ଥାନା ଅଧିନସ୍ଥ ତୁଳସୀପୁର ସାଇବାବା ମନ୍ଦିର ନିକଟରୁ ତାଙ୍କୁ ଗିରଫ କରିଛି । ତାଙ୍କ ଠାରୁ ୪ କେଜି ଗଞ୍ଜେଇ ଜବତ କରିଛି । ନୟାଗଡ଼ ଜିଲ୍ଲା ମୋବାଇଲ ଅବକାରୀ ସ୍କ୍ୱାଡ ବିଭାଗରେ ୧୪/୨୪ ରେ ମାମଲା ରୁଜ କରି ଉକ୍ତ ଯୁବକକୁ କୋର୍ଟ ଫରୁୱାର୍ଡ କରାଯାଇଛି । ନୟାଗଡ଼ ଅବକାରୀ ବିଭାଗର ସୁପରିଟେଣ୍ଡେଣ୍ଟ୍ କରୁଣା ଶଙ୍କର ତିୱାରୀଙ୍କ ନିର୍ଦ୍ଦେଶ କ୍ରମେ ନୟାଗଡ଼ ଜିଲ୍ଳା ଅବକାରୀ ସ୍କ୍ୱାଡର ଆଇଆଇସି ବିଷ୍ଣୁ ଚରଣ ମଲ୍ଲିକ, ଏଏସଆଇ ବିଦ୍ୟାଧର ପ୍ରଧାନ, କନେଷ୍ଟବଳ ଦେବୀପ୍ରସାଦ ପାଣି, ନୀଳରୋହିତ ମଲ୍ଲିକ ଓ ପ୍ରସନ୍ନ ସେଠୀ ଏହି ଚଢ଼ଉରେ ସାମିଲ ହୋଇଥିଲେ ।





