ନୟାଗଡ଼, (ବାଘୁଆବାର୍ତ୍ତା) :ଗଣିଆ ବ୍ଲକ ବଡସିଲିଙ୍ଗ ପଞ୍ଚାୟତର ବୁରିଆ ପାଜୁ,ସେନେପେରୀ ଓ ଇଡେଇ ଗ୍ରାମରେ ଏକ ଏକର ଜାଗାରେ ଚାଷ ହୋଇଥିଲା ଗଞ୍ଜେଇ ଗଛ । ସରକାରୀ ଜାଗାରେ କେହି ଏହାକୁ ଚାଷ କରିଥିବା ବିଶେଷ ସୁତ୍ରରୁ ଖବର ପାଇଥିଲେ ନୟାଗଡ ପୋଲିସ । ତେବେ ସୋମବାର ଗଣିଆ ପୋଲିସ, ଗଣିଆ ତହସିଲଦାର,ନୟାଗଡ ଅବକାରୀ ବିଭାଗ ଓ ଡିଭିଏଫ୍ ଷ୍ଟାଫ୍ ଓ ସଶସ୍ତ୍ର ପୋଲିସ ବାହିନୀଙ୍କ ମିଳିତ ଚଢାଉ ଫଳରେ ବଡସିଲିଙ୍ଗାର ଘଞ୍ଚ ଜଙ୍ଗଲରେ ଥିବା ଏକ ଏକର ଗଞ୍ଜେଇ ଗଛକୁ ପୂରା ନଷ୍ଟ କରାଯାଇଛି । ଗଛ ଗୁଡିକୁ ଓପାଡି ଏକାଠି କରି ଜାଳି ଦିଆ ଯାଇଛି । ପ୍ରାୟ ଏକ ଏକର ଜାଗାରେ ହୋଇଥିବା ଗଛ ଗୁଡିକୁ ଓପାଡି ନଷ୍ଟ କରିବାକୁ କର୍ମଚାରୀ ମାନଙ୍କୁ ପ୍ରାୟ ୭ ଘଣ୍ଟା ସମୟ ଲାଗିଥିଲା । ଏହି ଚଢାଉରେ ଖଣ୍ଡପଡା ଏସଡିପିଓ ଶ୍ରୀନିବାସ ମହାନ୍ତି,ଗଣିଆ ଥାନା ଅଧିକାରୀ ଦୀପକ କୁମାର ଖଣ୍ଡାୟତରାୟ,ତହସିଲଦାର ତଥା ମାଜିଷ୍ଟ୍ରେଟ ମିତାଲି ପାତ୍ର ଉପସ୍ଥିତ ଥିଲେ । ତେବେ ବନବିଭାଗର କର୍ମଚାରୀ ମାନେ ପାଟ୍ରୋଲିଂ କରୁଥିବା ବେଳେ ଏତେ ସଂଖ୍ୟାକ ଜାଗାରେ ଗଞ୍ଜେଇ ଚାଷ କରାଯାଇଥିଲେ ମଧ୍ୟ ବନବିଭାଗ ଏହାର ପତ୍ତା କିପରି ପାଇ ନଥିଲା ତାହା ଏବେ ପ୍ରଶ୍ନବାଚୀ ସୃଷ୍ଟି ହୋଇଛି । ଏପରିକି ଏହି ଗଞ୍ଜେଇ ଚାଷ ସେଠାରେ କିଏ କରିଥିଲା ସେ ନେଇ ମଧ୍ୟ କାହା ପାଖରେ କିପରି କିଛି ଖବର ନାହିଁ । ବଡସିଲିଙ୍ଗା ଭଳି ଜଙ୍ଗଲ ତଥା ବ୍ୟାଘ୍ର ସଂରକ୍ଷଣାଞ୍ଚଳ ଭିତରେ ପ୍ରବେଶ କରି ଏଭଳି ଭାବେ ପ୍ରଶାସନର ଆଖିରେ ଧୂଳି ଦେଇ ଗଞ୍ଜେଇ ଚାଷ ହୋଇଥିଲେ ମଧ୍ୟ ବନବିଭାଗ ଜାଣି ପାରିଲା ନାହିଁ କିପରି ।
