ନୟାଗଡ଼,(ବାଘୁଆବାର୍ତ୍ତା): ଗଞ୍ଜେଇ ଚୋରା ଚାଲାଣ ର୍ୟାକେଟ କୋରାପୁଟ ଯାଇ ଦିଲ୍ଲୀ ଦରବାରରେ ପହଞ୍ôଚଲାଣି । ଆଜି ୧କୋଟିରୁ ଉର୍ଦ୍ଧ ଟଙ୍କାର ଗଞ୍ଜେଇ ଚାଲାଣ କରାଯାଇଥିବା ବେଳେ ପୁଲିସ ଜବତ କରିବା ସହିତ ଡ୍ରାଇଭରକୁ ଗିରଫ୍ କରିଛି । ଏକ କଣ୍ଟେନରରେ ଗଞ୍ଜେଇ ଲୋଡ ହୋଇ କୋରାପୁଟ ଜିଲ୍ଲାରୁ ଦିଲ୍ଲୀ ଚୋରା ଚାଲାଣ କରାଯାଉଥିଲା । ସୂଚନାନୁସାରେ, କୋଟାପୁଟ ଜିଲ୍ଲାରୁ ଏକ କଣ୍ଟେନର ଗାଡ଼ିରେ ୫୧ବସ୍ତା ଗଞ୍ଜେଇ ଲୋଡ ହୋଇ ଦିଲ୍ଲୀ ଚାଲାଣ କରାଯାଉଥିବା ଖବର ପାଇଥିଲା ପୁଲିସ । ତେବେ କଣ୍ଟେନରକୁ ପିଛା କରି ମୋହନା ବ୍ଲକ ନିକଟ କମଳାପୁର ଛକ ନିକଟରୁ ଉକ୍ତ କଣ୍ଟେନରକୁ ଅଟକାଇଥିଲା ପୁଲିସ । ପୁଲିସ କଣ୍ଟେନର ଖାନତଲାସି କରିବା ପରେ ସେଥିରୁ ୫୧ବସ୍ତା ଗଞ୍ଜେଇ ଜବତ କରିଥିଲା । ଯାହାର ଅନୁମାନ ୧୪.୭ କ୍ୱୁଣ୍ଟାଲ ଗଞ୍ଜେଇ ଥିବା ବେଳେ ତାହାର ଆନୁମାନିକ ମୂଲ୍ୟ ୧କୋଟି ୭୬ଲକ୍ଷ ଟଙ୍କା ହେବ ବୋଲି ଅନୁମାନ କରାଯାଇଛି । କୋରାପୁଟ ପୁଲିସ ଗଞ୍ଜେଇ ଜବତ କରିବା ସହିତ କଣ୍ଟେନର ଗାଡ଼ିକୁ ମଧ୍ୟ ଜବତ କରିଛି ଏବଂ ଟ୍ରକ ଚାଳକକୁ ଗିରଫ କରି ଆଜି କୋର୍ଟ ଚାଲାଣ କରାଯାଇଥିବା ଜଣାପଡିଛି । ଟ୍ରକ ଚାଳକ ଜଣକ ଉତ୍ତର ପ୍ରଦେଶ ଅଞ୍ଚଳର ସୁନିଲ କୁମାର ବୋଲି ପୁଲିସ ସୂଚନା ଦେଇଛି ।
