ସେମିଳିଗୁଡ଼ା (ବାଘୁଆବାର୍ତ୍ତା): ଇନୋଭା କାରରେ ବୁଧବାର ରାତିରେ ଗଞ୍ଜେଇ ଚାଲାଣ ହେଉଥିବା ବେଳେ ୨୬ ନଂ ଜାତୀୟ ରାଜପଥ ଚିରାଗ ଢାବା ନିକଟ ମିଲ ଛକରୁ ସେମିଳିଗୁଡ଼ା ପୋଲିସ ଏହାକୁ ଜବତ କରିଛି । । କାର ଭିତରୁ ୨୫ଟି ଗଞ୍ଜେଇ ପ୍ୟାକେଟ ଜବତ କରିଛି । ପ୍ୟାକେଟ ଭିତରେ ମୋଟ ୧ କୁଇଣ୍ଟାଲ ୨୫ କିଲୋ ଗଞ୍ଜେଇ ଥିଲା । ଗୋଟିଏ ଟୟୋଟା ଇନୋଭା ଗାଡ଼ି (ନଂ.ଓଡି-୦୨-ଡି-୨୦୦୦) ରେ ବୁଧବାର ରାତିରେ ଗଞ୍ଜେଇ ନିଆଯାଉଥିଲା । ସେମିଳିଗୁଡ଼ା ପୋଲିସ ଖବର ପାଇ ମିଲ ଛକ ନିକଟରେ ଗାଡ଼ିକୁ ଅଟକାଇଥିଲା । ଗାଡ଼ି ଭିତରେ ୫ କେଜି ଓଜନର ୨୫ ପ୍ୟାକେଟ ଗଞ୍ଜେଇ ଥିଲା । ଗଞ୍ଜେଇ ସହ ଗାଡ଼ିକୁ ଜବତ କରିଥିଲା । ଏଥିସହ ୨ ଜଣକୁ ଗିରଫ କରିଥିଲା । ଗିରଫ ଅଭିଯୁକ୍ତମାନେ ହେଲେ ପଟାଙ୍ଗି ବ୍ଳକର ହାଟଗୁଡ଼ା ଗ୍ରାମର ନାରାୟଣ ସଗରି ଓ ପଟାଙ୍ଗି ବ୍ଲକର ମଲିପୁଟ ଗ୍ରାମର ବାବୁଲି ଖରା । ୨୫ଟି ପ୍ୟାକେଟରେ ମୋଟ ୧ କୁଇଣ୍ଟାଲ ୨୫ କେଜି ଗଞ୍ଜେଇ ଥିଲା । ଗଞ୍ଜେଇର ଆନୁମାନିକ ମୂଲ୍ୟ ୬ ଲକ୍ଷ ହେବ । ସେମିଳିଗୁଡ଼ା ଆଇଆଇସି ଧୀରେନ କୁମାର ବେହେରାଙ୍କ ନେତୃତ୍ୱରେ ଏହି ଚଢ଼ାଉ କରାଯାଇଥିଲା ।
