କଟକ, (ବାଘୁଆବାର୍ତ୍ତା): ଟାଙ୍ଗୀ ଟୋଲଗେଟ ନିକଟରୁ ୧୦ ଲକ୍ଷ ଟଙ୍କାର ଗଞ୍ଜେଇ ଜବତ। ଗୋଟିଏ ପିକଅପ ଭ୍ୟାନ୍ ସମେତ ଜଣେ ଗିରଫ। ରାଜ୍ୟ ଅବକାରୀ ବିଭାଗ ଫ୍ଲାଇଙ୍ଗ୍ ସ୍କ୍ବାଡ୍ ଗିରଫ କରିଛି। ଗିରଫ ଅଭିଯୁକ୍ତ ହେଲେ ମହାସିନ୍ଧୁ ଦାସ । ଗୋଟିଏ ପିକଅପ ଭ୍ୟାନରେ ଗଜପତିରୁ ପୂର୍ବ ମେଦିନାପୁରକୁ ଗଞ୍ଜେଇ ଚୋରା ଚାଲାଣ ହେଉଥିଲା। କୌଣସି ସୂତ୍ରରୁ ଖବର ପାଇ ଟାଙ୍ଗି ଟୋଲ ଗେଟ୍ ନିକଟରେ ଅବକାରୀ ବିଭାଗ ଫ୍ଲାଇଙ୍ଗ୍ ସ୍କ୍ବାଡ୍ ଚଢାଉ କରିଥିଲେ। ପିକଅପ ଭ୍ୟାନରୁ ୧୦ ଲକ୍ଷ ଟଙ୍କାର ଗଞ୍ଜେଇ ଜବତ କରିବା ସହ ଜଣକୁ ଗିରଫ କରିଛି ।
