ନୟାଗଡ଼,(ବାଘୁଆବାର୍ତ୍ତା ବ୍ୟୁରୋ): ଦଶପଲ୍ଲା ନିର୍ବାଚନ ମଣ୍ଡଳୀ ଅନ୍ତର୍ଗତ ଗଣିଆ ବ୍ଲକ୍ରେ ଜିଲ୍ଲାପାଳଙ୍କ ଯୁଗ୍ମ ଅଭିଯୋଗ ଶିବିର ସ୍ଥାନୀୟ ପଞ୍ଚାୟତ ସମିତି କାର୍ଯ୍ୟାଳୟରେ ଅନୁଷ୍ଠିତ ହୋଇଯାଇଛି । ଏହି ଅଭିଯୋଗ ଶିବିରରେ ଜିଲ୍ଲାପାଳ ଡ. ପୋମା ଡୁଟୁ, ପ୍ରକଳ୍ପ ନିର୍ଦ୍ଦେଶକ ସୁବାଷଚନ୍ଦ୍ର ରାୟ, ଉପଜିଲ୍ଲାପାଳ ଲଗ୍ନଜିତ୍ ରାଉତ, ଜିଲ୍ଲା ମୁଖ୍ୟ ଚିକିତ୍ସାଧିକାରୀ ସ୍ୱେତକୁମାର ମହାପାତ୍ର, ଆରକ୍ଷୀ ଅଧିକ୍ଷକ ଦାୟିତ୍ୱରେ ଥିବା ଦିଲ୍ଲୀପ ସାହାଣୀ, ସ୍ଥାନୀୟ ବିଡିଓ ପ୍ରମୁଖ ଯୋଗ ଦେଇଥିଲେ । ଆଜିର ଜନଶୁଣାଣୀ ଶିବିରରେ ମୋଟ୍ ୬୨ଗୋଟି ଅଭିଯୋଗ ଶୁଣାଣୀ ହୋଇଥିବାବେଳେ ଏଥିରୁ ତୁରନ୍ତ ୨୪ଗୋଟି ସମାଧାନ କରାଯାଇଥିଲା । ୪ଗୋଟି ଗ୍ରାମ୍ୟ ସମସ୍ୟା ରହିଥିବା ବେଳେ ୫୨ଗୋଟି ବ୍ୟକ୍ତିଗତ ସମସ୍ୟା ରହିଥିଲା । ମୁଖ୍ୟମନ୍ତ୍ରୀ ରିଲିଫ୍ ପାଣ୍ଠିରୁ ୩୦ହଜାର ଟଙ୍କା ସାହାଯ୍ୟ ପ୍ରଦାନ କରାଯାଇଥିବା ବେଳେ ଜିଲ୍ଲା ରେଡକ୍ରସ୍ ସୋସାଇଟିରୁ ୨୫ ହଜାର ଟଙ୍କାର ସହାଯ୍ୟ ପ୍ରଦାନ କରାଯାଇଥିଲା । ମୋଟ ଉପରେ ୫୫ହଜାର ଟଙ୍କାର ସହାଯ୍ୟ ପ୍ରଦାନ କରାଯାଇଥିଲା । ଏହି ଅଭିଯୋଗ ଶୁଣାଣୀ ଶିବିରରେ ଗଣିଆ ବ୍ଲକ୍ କର୍ତ୍ତୃପକ୍ଷ ସହାଯ୍ୟ ସହଯୋଗ କରିଥିଲେ ।
