ଦଶପଲ୍ଲା, (ବାଘୁଆବାର୍ତ୍ତା): ଓଡିଶା ସରକାରଙ୍କ କ୍ରୀଡା ଓ ଯୁବସେବା ବିଭାଗ ଆନୁକୂଲ୍ୟରେ ଆୟୋଜିତ ନୂଆ-ଓ କ୍ରୀଡା ଉତ୍ସବ ରବିବାର ଦିନ ଦଶପଲ୍ଲା ଏନଏସି ଅନ୍ତର୍ଗତ ଗାନ୍ଧୀ ମଇଦାନଠାରେ ଉଦଯାପିତ ହୋଇଛି। ବିଧାୟକ ରମେଶ ଚନ୍ଦ୍ର ବେହେରା ଉଦଯାପନୀ ଉତ୍ସବରେ ମୁଖ୍ୟ ଅତିଥି ରୂପେ ଯୋଗଦେଇ ଥିଲେ |
ବ୍ଳକ ଅଧ୍ୟକ୍ଷା ସୁନନ୍ଦା ସାହୁ, ବିଡିଓ ସଞ୍ଜୟ କୁମାର ଆଚାର୍ଯ୍ୟ, ଏନଏସି କାର୍ଯ୍ୟନିର୍ବାହୀ ଅଧିକାରୀ ସାମନ୍ତ ବିଶ୍ୱମ୍ଭର ମହାପାତ୍ରଙ୍କ ସମେତ ମାନ୍ଯଗଣ୍ଯ ଅତିଥି ଉପସ୍ଥିତ ଥିଲେ। ପୂର୍ବତନ ଜିଲ୍ଲା ଶିକ୍ଷା କ୍ରୀଡା ନିରୀକ୍ଷକ ତ୍ରିନାଥ ସାହୁ ସଂଯୋଜନା କରିଥିଲେ। ସୂଚନା ଯୋଗ୍ଯ ଯେ, ୨୮ ରୁ ୩୧ ତାରିଖ ପର୍ଯ୍ୟନ୍ତ କ୍ରୀଡା ପ୍ରତିଯୋଗୀତା ଅନୁଷ୍ଠିତ ହୋଇଥିଲା ।
ଗାନ୍ଧୀ ମଇଦାନ ସମେତ ଡିହଗାଁ ପଞ୍ଚାୟତର ଜାନିସାହି ପ୍ରକଳ୍ପ ପ୍ରାଥମିକ ବିଦ୍ୟାଳୟ ଖେଳପଡ଼ିଆ, ମଧ୍ଯଖଣ୍ଡ ମେଡିକାଲ ପଡିଆ, ଖମାରସାହି ପଞ୍ଚାୟତର ବାଘୁଆବେରେଣୀ ଖେଳ ପଡ଼ିଆ ଠାରେ ପ୍ରତିଯୋଗୀତାରେ ଅଂଶ ଗ୍ରହଣ କରିଥିଲେ । ଫୁଟବଲ୍ ସମେତ କ୍ରିକେଟ୍, ଭଲିବଲ୍, କବାଡି ଆଦି ପ୍ରତିଯୋଗୀତାରେ ପ୍ରତିଯୋଗୀମାନେ ଅଂଶ ଗ୍ରହଣ କରି ଥିଲେ । ଉଦଯାପନୀ ଉତ୍ସବରେ କୃତି ପ୍ରତିଯୋଗୀମାନଙ୍କୁ ପୁରସ୍କୃତ କରାଯାଇଥିଲା |
