ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ବ୍ଲକ୍ ଅନ୍ତର୍ଗତ ଗମ୍ଭାରିଡ଼ିହି ପଞ୍ଚାୟତକୁ ଆଜି ବିଡ଼ିଓ ମନୋଜ ପାତ୍ର ଅଚନାକ୍ ଗସ୍ତ କରିବା ସହିତ ପଞ୍ଚାୟତରେ ଚାଲିଥିବା ଉନ୍ନୟନ ମୂଳକ କାର୍ଯ୍ୟର ସମୀକ୍ଷା କରିଛନ୍ତି । ପଞ୍ଚାୟତରେ ଚାଲିଥିବା ଏମଜିଏନଆରଜିଏସ କାର୍ଯ୍ୟ ଗୁଡ଼ିକ ବୁଲି ଦେଖିବା ସହିତ କିଭଳି ସେ ସବୁ କାର୍ଯ୍ୟ ଯଥାଶୀଘ୍ର ଶେଷ ହେବ ସେ ବିଷୟରେ କନିଷ୍ଠ ଯନ୍ତ୍ରୀଙ୍କ ସହିତ ଆଲୋଚନା କରି ପରାମର୍ଶ ଦେଇଥିଲେ । ପଞ୍ଚାୟତରେ ଆବାସ, ଭତ୍ତା, ରାସନ ସାମଗ୍ରୀର ମଧ୍ୟ ସମୀକ୍ଷା କରି ଠିକ୍ ସମୟରେ ହିତାଧିକାରୀ ପାଇ ପାରୁଛନ୍ତି କି ନାହିଁ ପଚାରି ବୁଝିଥିଲେ । ଖରାଦିନେ ଯେମିତି ଜନସାଧାରଣ ପାନୀୟ ଜଳ ପାଇଁ ଅସୁବିଧାର ସମ୍ମୁଖୀନ ନହୁଅନ୍ତି ସେଥି ଉପରେ ଗୁରରୁତ୍ୱ ଦେଇଥିଲେ । ଗମ୍ଭାରିଡ଼ିହି ଗ୍ରାମ୍ୟ ଜଳଯୋଗାଣ ଅଚଳ ହୋଇଥିବାରୁ ତାହାର କାର୍ଯ୍ୟ ଜରି ରହିଛି ତେଣୁ ଶୀଘ୍ର ସାରିବାକୁ ନିର୍ଦ୍ଦେଶ ଦେଇଛନ୍ତି । ପଞ୍ଚାୟତର ସମୀକ୍ଷା ସମୟରେ ସରପଞ୍ଚ ଦିବାକର ମିଶ୍ର, ନିର୍ବାହୀଯନ୍ତ୍ରୀ ସୁଶାନ୍ତ କୁମାର ପଣ୍ଡା, ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ ପୂର୍ଣ୍ଣ ରାଉତ ଓ ସମସ୍ତ ୱାର୍ଡସଭ୍ୟ ଉପସ୍ଥିତ ଥିଲେ ।
