ନୟାଗଡ଼, (ବାଘୁଆବାର୍ତ୍ତା) : ବାଘୁଆବାର୍ତ୍ତାର ସର୍ଭେ ଅନୁସାରେ, ପୁଣି ଦୁଇ ଜଣ ସରକାରୀ କର୍ମଚାରୀ ନିଲମ୍ବିତ ହୋଇଛନ୍ତି । ଗୋଟିଏ ବର୍ଷରେ ଦୁଇ ଦୁଇ ଥର ଲାଂଚ ନେବା ବେଳେ ଭିଜିଲାନ୍ସ ହାତରେ ଧରାପଡ଼ିଥିବା ରଣପୁରର ପୂର୍ବତନ ତହସିଲ କିରାଣି ଏବଂ ଏବେକାର ଖଣ୍ଡପଡ଼ା ତହସିଲ କିରାଣି ତାଙ୍କର ପ୍ରବୃତ୍ତି ନଛାଡ଼ିବାରୁ ତାଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । ଜିଲ୍ଲାପାଳ ଡ. ପୋମା ଟୁଡୁ ତାଙ୍କୁ ନିଲମ୍ବନ କରିଛନ୍ତି । ରାଜ୍ୟ ସରକାରଙ୍କ ମୋ ସରକାର କାର୍ଯ୍ୟକ୍ରମ ଅଧିନରେ ଏହି କାର୍ଯ୍ୟାନୁଷ୍ଠାନକୁ ପକାଯାଇ ତାଙ୍କୁ ବହିସ୍କୁତ କରାଯିବ ବୋଲି ମଧ୍ୟ ସୂଚନା ମିଳିଛି । ସେହିଭଳି ନୟାଗଡ଼ ବ୍ଲକ ଖୁଣ୍ଟୁବନ୍ଧ ପଂଚାୟତ ନିର୍ବାହୀ ଅଧିକାରୀ ମନୋରମା ଜେନା ଅଯୋଗ୍ୟ ଲୋକଙ୍କୁ ଆବାସ ଯୋଜନାରେ ସାମିଲି କରାଇବା ଅଭିଯୋଗ ହୋଇଥିଲା । ଏହାର ତଦନ୍ତ ରିପୋର୍ଟ ଆସିବା ପରେ ଜିଲ୍ଲାପାଳ ତାଙ୍କୁ ମଧ୍ୟ କାର୍ଯ୍ୟରୁ ନିଲମ୍ବନ କରିଥିବା ଜଣାପଡ଼ିଛି ।
