ଟାଙ୍ଗି, (ବାଘୁଆବାର୍ତ୍ତା): ପିକ ଅପ ଭ୍ୟାନ ରେ ଗଞ୍ଜେଇ ଚୋରା ଚାଲାଣ ବେଳେ ନିରାକାର ପୁର ଲେବଲ କ୍ରସିଂଙ୍ଗ ନିକଟରେ ପିକଅପ ଭ୍ୟାନ କୁ ମାଡି ବସିଲା ଟାଙ୍ଗୀ ଅବକାରୀ ପୋଲିସ । ପିକଅପ ଭ୍ୟାନ କୁ ଜବତ କରି ତନଖି ବେଳେ ଜରିପାଲ ଭିତରୁ ବାହାରିଲା ବସ୍ତା ପରେ ବସ୍ତା ୧୫ ରୁ ଅଧିକ ବସ୍ତା ଗଞ୍ଜେଇ । ପିକଅପ ଭ୍ୟାନ ସହ ଗଞ୍ଜେଇ କୁ ହେପାଜତ କୁ ନେଇଥିଲା ଟାଙ୍ଗୀ ଅବକାରୀ ପୋଲିସ । ଅବକାରୀ କାର୍ଯ୍ୟାଳୟ ରେ ତଦନ୍ତ ସହ ଓଜନ ପରେ ଜବତ ଗଞ୍ଜେଇ ର ଓଜନ ୪ କ୍ୟୁଣ୍ଟାଲ ବୋଲି ଜଣା ପଡିଛି । ଜବତ ଗଞ୍ଜେଇର ବଜାର ମୂଲ୍ୟ ୪୦ ଲକ୍ଷ ଟଙ୍କା ହେଵ ବୋଲି ଜଣା ପଡିଛି । ଏହି ଘଟଣା ରେ ଗାଡି ଚାଳକଙ୍କୁ ଗିରଫ କରିଛି ଅବକାରୀ ପୋଲିସ । ଗିରଫ ଅଭିଯୁକ୍ତ ର ନାମ ପୁର୍ଣଚନ୍ଦ୍ର ଦେ, ବୟସ ୩୫, ଘର ପୁରୀ ଜିଲ୍ଲା ବ୍ରହ୍ମଗିରୀ ଗୌଡ଼ ସାହିରେ ବୋଲି ଜଣା ପଡିଛି । ଆସ୍କା ଶେରଗଡ଼ ରୁ ବ୍ରହ୍ମଗିରୀ କୁ ଗଞ୍ଜେଇ ହେଉଥିଲା ଚୋରା ଚାଲାଣ ।ଚଣ୍ଡେଶ୍ୱର ଠାରୁ ଗଞ୍ଜେଇ ଗାଡି କୁ ପିଛା କରି ଶେଷରେ ନିରାକାର ପୁର ନିକଟରେ ଗାଡିକୁ ଧରିବାରେ ସଫଳ ହୋଇଛି ଅବକାରୀ ପୋଲିସ ।
