ପୁରୀ ରଥଯାତ୍ରା:ଚାରି ଥର ହେବ କୋଭିଡ୍ ଆରଟିପିସିଆର ଟେଷ୍ଟ

ପୁରୀ, (ବାଘୁଆବାର୍ତ୍ତା): ପୁରୀ ରଥଯାତ୍ରାକୁ ଦୃଷ୍ଟିରେ ବଡ଼ ନିଷ୍ପତ୍ତି ନେଇଛନ୍ତି ଶ୍ରୀମନ୍ଦିର ମୁଖ୍ୟ ପ୍ରଶାସକ । ଆଜି ଶ୍ରୀମନ୍ଦିର ମୁଖ୍ୟ ପ୍ରଶାସକଙ୍କ ଅଧ୍ୟକ୍ଷତା ଅନୁଷ୍ଠିତ ହୋଇଥିବା ପ୍ରସ୍ତୁତି ବୈଠକରେ ପୁରୀ ରଥଯାତ୍ରାରେ ନିୟୋଜିତ ହେବାକୁ ଥିବା ପୂଜକ, ସେବାୟତ ଓ ପୁଲିସ୍ କର୍ମଚାରୀମାନଙ୍କର ଚାରି ଥର ଲେଖାଏଁ କୋଭିଡ୍ ଆରଟିପିସିଆର ଟେଷ୍ଟ କରାଯିବ ବୋଲି ନିଷ୍ପତ୍ତି ନିଆଯାଇଛି । ମହାପ୍ରଭୁ ଜଗନ୍ନାଥଙ୍କ ସ୍ନାନଯାତ୍ରା ପୂର୍ବରୁ କୋଭିଡ୍ ଆରଟିପିସିଆର ଟେଷ୍ଟ କରାଯିବ । ସେହିଭଳି ଗୁଣ୍ଡିଚା ଯାତ୍ରା ଓ ବାହୁଡ଼ା ଯାତ୍ରା ପୂର୍ବରୁ ସେବାୟତ, ପୁଲିସ୍ ଓ ଶ୍ରୀମନ୍ଦିର ଅଧିକାରୀ, କର୍ମଚାରୀଙ୍କ ଟେଷ୍ଟ କରାଯିବା ସହ ନିଳାଦ୍ରୀ ବିଜେର ୧୫ଦିନ ପରେ ଆଉ ଥରେ ଆରଟିପିସିଆର ଟେଷ୍ଟ କରାଯିବ ବୋଲି ନିଷ୍ପତ୍ତି ହୋଇଛି । ସମସ୍ତଙ୍କର କୋଭିଡ୍ ନେଗେଟିଭ୍ ରିପୋର୍ଟକୁ ବାଧ୍ୟତାମୂଳକ କରାଯିବ ବୋଲି ସୂଚନା ମିଳିଛି ।