ଶ୍ୱାସରୁଦ୍ଧ ହୋଇ ୪ ଶିଶୁ ମୃତ

ମାଲକାନଗିରି, (ବାଘୁଆବାର୍ତ୍ତା): ମୃତ୍ୟୁ ଏମିତି ଆସେ । ଶ୍ୱାସରୁଦ୍ଧ ହୋଇ ୪ ଶିଶୁ ମୃତ । ଆନ୍ଧ୍ରପ୍ରଦେଶ ବିଜୟନଗରମ୍ ଦ୍ୱାରପୁଡି ଗାଁରେ ଘଟିଛି ଏହି ଅଘଟଣ । ପାର୍କିଂରେ ଛିଡା ହୋଇଥିବା କାର ଭିତରେ ଚାଲିଯାଇଛି ୪ ଶିଶୁଙ୍କ ଜୀବନ । ମୃତକଙ୍କ ମଧ୍ୟରେ ଜଣେ ବାଳକ ଓ ୩ ଜଣ ବାଳିକା ଥିବା ଜଣାପଡିଛି । ମୃତକମାନେ ହେଲେ ଆଠ ବର୍ଷର ବି.ଉଦୟ ଓ ଚାରୁମତି, ଛଅ ବର୍ଷର କରିସ୍ମା ଓ ମନସ୍ୱିନୀ । ଖବର ଜଣାପଡିବା ପରେ ପରିବାର ଲୋକେ କାଚ୍ ଭାଙ୍ଗି କାର୍ରୁ ପିଲାମାନଙ୍କୁ ଉଦ୍ଧାର କରିଥିଲେ । ହେଲେ ସେତେବେଳକୁ ସରିଯାଇଥିଲା ସବୁକିଛି । କାନ୍ଦ ବୋବାଳିରେ ଫାଠି ପଡୁଛି ପରିବେଶ । କିଏ ଡାକୁଛି ବାବୁରେ ଉଠିଯା । କିଏ କହୁଛି ଫେରିଆ ମୋ କୋଳକୁ । ହେଲେ ତାଙ୍କୁ କ’ଣ ଜଣାକି, ସେ ଆଉ ଉଠିବେନି । ସବୁଦିନ ପାଇଁ ଚିରନିଦ୍ରାରେ ଶିଶୁମାନେ । ମାଆ କୋଳ ଛାଡି ସେମାନେ ଏବେ ଆରପାରିରେ । ଏମିତି କିଛି ଦୃଶ୍ୟ ଦେଖିବାକୁ ମିଳିଥିଲା ଆନ୍ଧ୍ରପ୍ରଦେଶ ବିଜୟନଗରମ୍ ଦ୍ୱାରପୁଡି ଗାଁରେ । ରବିବାର ଏମିତି କିଛି ଘଟିଥିଲା ଯାହା ନା କେବେ କିଏ ଭାବିଥିଲା ନା ଜାଣିଥିଲା । ୪ ଶିଶୁ ସନ୍ଧ୍ୟା ସମୟରେ ଖେଳୁଥିଲେ । ଖେଳୁ ଖେଳୁ ସେଠାରେ ଥିବା କାର୍ରେ ହଠାତ୍ ପଶିଯାଇଥିଲେ ସବୁ ପିଲା । କିନ୍ତୁ ବାରମ୍ୱାର ଚେଷ୍ଟା କରି ଆଉ ବାହାରିପାରିନଥିଲେ ପିଲାମାନେ । ଦୀର୍ଘ ସମୟ ଖୋଜାଖୋଜି ପରେ ମିଳିନଥିଲା ପତ୍ତା । ଶେଷରେ କାର୍ରେ ଥିବା ଦେଖିଥିଲେ ପରିବାର ଲୋକେ । କାର୍ କାଚ୍ ଭାଙ୍ଗି ସେମାନଙ୍କୁ ଉଦ୍ଧାର କରାଯାଥିଲା । ସେତେବଳେକୁ ସରିଯାଇଥିଲା ସବୁ କିଛି । ଡାକ୍ତରଖାନକୁ ନିଆଯାଇଥିଲେ ସୁଦ୍ଧା, ସେମାନଙ୍କ ମୃତ୍ୟୁ ହୋଇସାରିଥିଲା । ସେପଟେ ଏକା ସଂଗେ ୪ ପିଲାଙ୍କ ମୃତ୍ୟୁ ପରେ ଗାଁରେ ଖେଳିଯାଇଛି ଶୋକାକୂଳ ପରିବେଶ ।