ନୟାଗଡ଼,(ବାଘୁଆବାର୍ତ୍ତା): ଆଜି ଜିଲ୍ଲାପାଳ ଡ. ପୋମା ଟୁଡୁ, ବନଖଣ୍ଡ ଅଧିକାରୀ ଧନରାଜ୍ ଏଚ୍.ଡି, ମହାନଦୀ ବନ୍ୟପ୍ରାଣୀ ଅଧିକାରୀ ହର୍ଷବର୍ଦ୍ଧନ ଉଦ୍ଗାତା ଏକ ସଚେତନତା ଭିଡିଓ ଜାରି କରିଛନ୍ତି । ଗତ ୫ ମାସ ହେବ ବର୍ଷା ହୋଇନଥିବାରୁ ଜଙ୍ଗଲରେ ନିଆଁ ଲାଗିବା ସହ ଜୋରରେ ବ୍ୟାପୁଛି । ଆସନ୍ତା ୧୫ ଦିନରେ ନିଆଁ ଅଧିକ ହେବାର ସମ୍ଭାବନା ରହିଛି । ଏଥିପାଇଁ ସମସ୍ତଙ୍କ ସହଯୋଗ କରିବା ପାଇଁ ଜିଲ୍ଲାପାଳ ପରାମର୍ଶ ଦେଇଛନ୍ତି । ବନକର୍ମଚାରୀଙ୍କ ସହ ମିଶି ଜଙ୍ଗଲ ଲିଭାଇବା ପାଇଁ ଜନପ୍ରତିନିଧି ଏବଂ ଜନସାଧାରଣ ସହଯୋଗ କରନ୍ତ ବୋଲି ଜିଲ୍ଲାପାଳ କହିଛନ୍ତି । ନିଆଁ ଲାଗିବା ସମ୍ପର୍କରେ ତୁରନ୍ତ ବନକର୍ମଚାରୀଙ୍କୁ ସୂଚନା ଦେବାକୁ ଜିଲ୍ଲାପାଳ ପରାମର୍ଶ ଦେଇଛନ୍ତି । ଜଙ୍ଗଲରେ ଶୀକାର ଏବଂ ଖଳ ପକୃତିର ଲୋକ ନିଆଁ ଲଗାଉଥିବା ବନ୍ୟପ୍ରାଣୀ ଅଧିକାରୀ କହିଛନ୍ତି । ଭିଡିଓ ମାଧ୍ୟମରେ ଅପିଲ କରି ତୁରନ୍ତ ଏନେଇ ସୂଚନା ଦେବାକୁ ନିବେଦନ କରିଛନ୍ତି । ବନଖଣ୍ଡ ଅଧିକାରୀ ଧନରାଜ୍ ଏଚ୍.ଡି ମଧ୍ୟ ସମାନ କଥାକୁ ଦୋହରାଇଛନ୍ତି । ନିଆଁ ଲଗାଉଥିବା ବ୍ୟକ୍ତି ସଂମ୍ପର୍କରେ ସୂଚନା ଦେବାକୁ କହିଥିବା ବେଳେ ଜଙ୍ଗଲ ପାଖାପାଖ ଅଞ୍ଚଳର ଲୋକମାନେ ଅଳିଆରେ ନିଆଁ ଲଗାଉଥିବା ବେଳେ ସଚେତନ ରୁହନ୍ତୁ ବୋଲି କହିଛନ୍ତି । ଏଥିସହିତ ଜଙ୍ଗଲରେ ନିଆଁ ଲାଗିଥିଲେ, କଣ୍ଟୋଲ ରୁମ ନଂ ୯୪୩୭୧୧୮୪୩୮, ୯୪୩୭୪୯୪୯୫ରେ ଜଣାଇବାକୁ ପରାମର୍ଶ ଦେଇଛନ୍ତି ।
