ମଣ୍ଡଳ ସ୍ତରୀୟ ଫୁଟବଲ ଟୁର୍ଣ୍ଣାମେଣ୍ଟ ,୧୬ ଖେଳାଳୀ ଜିଲ୍ଲାସ୍ତରକୁ ମନୋନୀତ

ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ ବ୍ଳକ ହାଇସ୍କୁଲ ସ୍ତରୀୟ ଫୁଟବଲ ଟୁର୍ଣ୍ଣାମେଣ୍ଟ ଇଟାମାଟି ସ୍ଥିତ ବାମନ ଅବକାଶ ହାଇସ୍କୁଲ ଖେଳ ପଡ଼ିଆରେ ଗତ ୨୭ ଏବଂ ୨୮ ତାରିଖ ଦୁଇଦିନ ଧରି ଅନୁଷ୍ଠିତ ହୋଇଥିଲା । ଏଥିରେ ନୟାଗଡ଼ ବ୍ରଜେନ୍ଦ୍ର ହାଇସ୍କୁଲ,ଏନଏସି ହାଇସ୍କୁଲ,ନାଗମୁଣ୍ଡୁଳୀ ହାଇସ୍କୁଲ,ଲାଠିପଡ଼ା ହାଇସ୍କୁଲ,ପଣ୍ଡୁସର ହାଇସ୍କୁଲ,ଖୁଟୁବନ୍ଧ ହାଇସ୍କୁଲ,ବରପଲ୍ଲୀ ହାଇସ୍କୁଲ,ଆଙ୍କୁଲେଇ ହାଇସ୍କୁଲ ମାନଧାତାପୁର, ମାଛିପଡ଼ା ଏବଂ ନବଘନପୁର ହାଇସ୍କୁଲ ମଧ୍ୟରେ ଫୁଟବଲ ମ୍ୟାଚ ଅନୁଷ୍ଠିତ ହୋଇଥିଲା । ଏହି ମଣ୍ଡଳସ୍ତରୀୟ ଟୁର୍ଣ୍ଣାମେଣ୍ଟକୁ ବାମନ ଅବକାଶ ହାଇସ୍କୁଲର ପ୍ରଧାନ ଶିକ୍ଷକ ପ୍ରସନ୍ନ କୁମାର ମହାପାତ୍ର ଉଦଘାଟନ କରିଥିବା ବେଳେ ଜିଲ୍ଲା ଶାରୀରିକ ଶିକ୍ଷା ଅଧିକାରୀ ପ୍ରକାଶ କୁମାର ସାନ୍ତ ଉପସ୍ଥିତ ଥିଲେ । ମ୍ୟାଚ ଗୁଡ଼ିକୁ କ୍ରୀଡ଼ାଶିକ୍ଷକ ଅନିଲ କୁମାର ଦାଶ,ଗଙ୍ଗାଧର ସେଠୀ,ସଞ୍ଜୟ ବାରିକ,ପ୍ରଦୀପ ଚିତ୍ତରଂଜନ ସାହୁ,ନୃସିଂହ ଜେନା,ଦେବସ୍ମିତା ନାୟକ,ସରୋଜିନୀ ସାହୁ ପ୍ରମୁଖ ପରିଚାଳନା କରିଥିଲେ । ଏହି ଟୁର୍ଣ୍ଣାମେଣ୍ଟରେ ଅଂଶ ଗ୍ରହଣ କରିଥିବା ୧୪୧ ଜଣ ଖେଳାଳୀଙ୍କ ମଧ୍ୟରୁ ୧୬ ଜଣ ଖେଳାଳୀ ଜିଲ୍ଲା ସ୍ତରକୁ ମନୋନୀତ ହୋଇଥିବା ବେଳେ ଜିଲ୍ଲାସ୍ତରୀୟ ଟୁର୍ଣ୍ଣାମେଣ୍ଟ ଆସନ୍ତା ମାସ ୧୧ ତାରିଖରୁ ୧୮ ତାରିଖ ପର୍ୟ୍ୟନ୍ତ ନୟାଗଡ଼ ଷ୍ଟାଡିୟମ ଠାରେ ଆୟୋଜିତ ହେବ ବୋଲି ବ୍ଲକ କ୍ରୀଡ଼ା ସମ୍ପାଦକ ଉମାକାନ୍ତ ମିଶ୍ର ଜଣାଇଛନ୍ତି ।