ବଢ଼ୁଛି ମହାନଦୀ, ସଂନ୍ଧ୍ୟା ସୁଦ୍ଧା ବିଚ୍ଛିନ୍ନ ହେବ ୫୦ ଗାଁ

ନୟାଗଡ଼,(ବାଘୁଆବାର୍ତ୍ତା): ସାରା ରାଜ୍ୟରେ ଲଗାଣ ବର୍ଷା ପାଇଁ ଜିଲ୍ଲାରେ ବନ୍ୟା ପରିସ୍ଥିତି ସୃଷ୍ଟି ହୋଇଛି । ବୁଧବାର ବର୍ଷା କମ ରହିଥିଲେ ମଧ୍ୟ ମହାନଦୀ ଜଳସ୍ତର ବୃଦ୍ଧି ପାଇ ଗଣିଆ ବ୍ଲକ ରାସଙ୍ଗ ନିକଟସ୍ଥ ଗହୀର ସଂମ୍ପୂର୍ଣ୍ଣ ବୁଡ଼ି ସାରିଛି । ହୀରାକୁଦରେ ଖୋଲା ଯାଇଥିବା ୨୪ ଟି ଗେଟ୍ ଜଳ ଗଣିଆ ବ୍ଲକ ରାସଙ୍ଗ ନିକଟରେ ପହଞ୍ଚିବା ପାଇଁ ମାତ୍ର କେଇ ଘଣ୍ଟାର ସମୟ ବାକି ରହିଛି । ଏହି ଜଳ ସଂନ୍ଧ୍ୟା ସୁଦ୍ଧା ବଡ଼ମୁଳରେ ପହଞ୍ଚିବା ସମ୍ଭାବନା ରହିଛି । ଫଳରେ ଗଣିଆ ବ୍ଲକର ୫୦ରୁ ଉଦ୍ଧ୍ୱର୍ ଗାଁ ସହ ଯୋଗାଯୋଗ ବିଚ୍ଛିନ୍ନ ହେବା ନିଶ୍ଚିତ ହୋଇଛି । ମହାନଦୀର ଉପରମୁଣ୍ଡରେ ଜାରି ରହିଥିବା ବର୍ଷା ଯୋଗୁଁ ମହାନଦୀର ଜଳସ୍ତର ବୃଦ୍ଧି ପାଇ ବୁଧବାର ୧୨ଟା ସୁଦ୍ଧା ବଡ଼ମୂଳ ଠାରେ ୨୭ଫୁଟ ୮ଇଞ୍ଚର ବନ୍ୟାଜଳ ପ୍ରବାହିତ ହେଉଥିବା ସୂଚନା ମିଳିଛି ।