ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ ଟାଉନଥାନା ପୁଲିସ ଦ୍ୱାରା ଗତକାଲି ନକଲି ନୋଟ ଏବଂ ନିର୍ମାଣ ସାମଗ୍ରୀ ଜବତ ଘଟଣାରେ ଆଜି ପୁଲିସ ମୁଖ୍ୟ ଅଭିଯୁକ୍ତ ଖଣ୍ଡପଡ଼ା ଥାନା କୋସକା ଫାଣ୍ଡି ଅନ୍ତର୍ଗତ ଶରଧାପୁର ଗ୍ରାମର ଦିବ୍ୟରଂଜନ ହୋତା ଏବଂ ସହଯୋଗୀ ଫତେଗଡ଼ ଥାନା ବାଲିଆପଟା ଗ୍ରାମର ଅରୁଣ ନାୟକଙ୍କୁ ଗିରଫ କରି କୋର୍ଟ ଚାଲାଣ କରିଛି । ଅନ୍ୟପକ୍ଷେ, ଅଭିଯୁକ୍ତ ଦିବ୍ୟରଂଜନ ତାଙ୍କର ଏହି ନକଲି ନୋଟ କାରବାର ଦୀର୍ଘଦିନ ଧରି ଚଳାଇ ଆସୁଥିବାରୁ ସହରରେ ଏହା ବ୍ୟାପକ ଭାବେ ପ୍ରଚଳିତ ହୋଇଥିବା ସନ୍ଦେହ କରାଯାଉଛି । ଏଣୁ ସହରରେ ଥିବା ବ୍ୟବସାୟ ପ୍ରତିଷ୍ଠାନ ଗୁଡ଼ିକ ଏହା ପ୍ରତି ସଚେତନ ହେବା ଆବଶ୍ୟକ ହୋଇପଡ଼ିଛି ।
