ନୟାଗଡ଼,(ବାଘୁଆବାର୍ତ୍ତା): ରାଜ୍ୟରେ ସବୁ ଖାଦ୍ୟ ସାମଗ୍ରୀର ନକଲି କାରବାର ହେଉଥିବା ବେଳେ ଆଜି ନକଲି ସାମ୍ବାଦିକଙ୍କୁ ଗିରଫ କରିଛି ପୁଲିସ । ଲୋନ କରାଇ ଦେବାକୁ କହି ଲୋକଙ୍କୁ ଠକୁଥିଲେ । ପରେ ଧରା ପଡିଲା ପରେ ଲୋକଙ୍କ ହାତରୁ ଛେଚା ଖାଇଲା ପରେ ପୁଲିସ ନକଲି ସାମ୍ବାଦିକଙ୍କୁ ଗିରଫ୍ କରିଛି ଏଭଳି ଘଟଣା ଘଟିଛି ରାଜଧାନୀ ଅଞ୍ଚଳରେ । ସୂଚନାନୁସାରେ, ଭୁବନେଶ୍ୱର ପାହାଳ ଫାଣ୍ଡି ଅଞ୍ଚଳରେ ଜଣେ ଯୁବକ ଓ ଦୁଇଜଣ ଯୁବତୀ ଲୋନ କରାଇ ଦେବାକୁ ଠକି ନେଉଥିଲେ । ଯାହାକୁ ନେଇ ଫାଣ୍ଡିରେ ଅଭିଯୋଗ ହୋଇଥିଲା । ଲୋକମାନଙ୍କ ଲୋନ ନହେବାରୁ ଯେତେ ବେଳେ ଟଙ୍କା ଫେରସ୍ତ ମାଗନ୍ତି କିମ୍ବା ପୁଲିସରେ ଧରାଇ ଦେବା କଥା କୁହନ୍ତି ସେତେ ବେଳେ ସାମ୍ବାଦିକ କହି ଧମକ୍ ଦେଉଥିଲେ । ସାମ୍ବାଦିକ କହିବା ପାଇଁ ଗାଡ଼ିରେ ପ୍ରେସ୍ ଲେଖିବା ସହ ନାମିଦାମି ଗଣମାଧ୍ୟମର ପରିଚୟ ପତ୍ର ରଖିଥିଲେ । ବିଭିନ୍ନ ସମୟରେ ଅଫିସର ଠିକଣା ବଦଳେଇ ଚାଲିଥିଲେ । ପାହାଳ ଅଞ୍ଚଳର କିଛି ମହିଳା ଅନନ୍ୟ ଫୋନରୁ ଫୋନ କରି ପୁରୁଣା ଲୋନ୍ ସଂପର୍କରେ ଜାଣିବା ପାଇଁ ଡାକି ପାହାଳ ଜଗନ୍ନାଥ ମନ୍ଦିର ଉତ୍ତମ ମଧ୍ୟମ ଦେଇ ପାହାଳ ଫାଣ୍ଡିର ଜିମା ଦେଇଥିବା ଜଣାପଡିଛି ।
