ଘରେ ତିଆରି କରନ୍ତୁ ହୋମ ମେଡ ଫେସପ୍ୟାକ, ମୁହଁରୁ ଡାର୍କନେସ ଦୂରକରିବ ଏହି ପଦ୍ଧତି

ଭୁବନେଶ୍ୱର (ବାଘୁଆବାର୍ତ୍ତା): ଚେହେରା ଡାର୍କନେସ ଦୂର କରିବା ପାଇଁ ଝିଅମାନେ ମହଙ୍ଗା କ୍ରିମ ଏବଂ ବିଭିନ୍ନ ଚିକିତ୍ସା କରିଥାନ୍ତି । କିନ୍ତୁ, ଏହା ଦ୍ୱାରା ବିଶେଷ କିଛି ଫରକ ପଡିନଥାଏ । ଆପଣ ଏହାକୁ ଘରୋଇ ଫେସପ୍ୟାକ ମାଧ୍ୟମରେ ଦୁର କରିପାରିବେ । ଏହା କେବଳ ଡାର୍କନେସ ଦୁର କରିବ ନାହିଁ, ଚର୍ମ କୁଞ୍ଚନ ମଧ୍ୟ ଦୂର କରିବାରେ ସହାୟକ ହେବ । ଏହାକୁ ତିଆରି କରିବା ପାଇଁ ଅଧିକ ଅର୍ଥ ଖର୍ଚ୍ଚ ହେବ ନାହିଁ ଏବଂ ପଦ୍ଧତି ମଧ୍ୟ ଅତି ସହଜ । ଚାଲନ୍ତୁ ଜାଣିବା କିପରି ପ୍ରସ୍ତୁତ କରିବା ଏହି ପ୍ୟାକ । ସାମଗ୍ରୀ:- ଚିୟା ସିଡ୍ସ –୧/୪ ଚାମଚ, ଗୋଲାପ ଜଳ-ଆବଶ୍ୟକ ଅନୁଯାୟୀ, ନଡିଆତେଲ-୧/୪ ଚାମଚ, ବେସନ-୧/୩ ଚାମଚ । ପ୍ରସ୍ତୁତ ପ୍ରଣାଳୀ: – ସର୍ବପ୍ରଥମେ ଏକ ପାତ୍ରରେ ସମସ୍ତ ଉପାଦାନକୁ ମିଶାଇ କିଛି ସମୟ ପାଇଁ ଛାଡିଦିଅନ୍ତୁ । ବତ୍ତମାନ ଏଥିରେ ବେସନ, ଗହମ ଅଟା, ମଇଦା, ଚନ୍ଦନ ପାଉଡର, ମୁଲତାନୀ ମାଟି ଭିତରୁ କୌଣସି ଗୋଟିଏ ମିଶାନ୍ତୁ । ଯଦି ଆପଣଙ୍କୁ ନଡିଆ ତେଲ ସୁଟ ହେଉନାହିଁ ତେବେ ଆପଣ ଏଥିରେ ଅନ୍ୟ ତେଲ ମିଶାଇ ପାରିବେ । ଏହା ବ୍ୟତୀତ, ଆପଣ ଚିଆ ପାଉଡର କରି ମଧ୍ୟ ବ୍ୟବହାର କରିପାରିବେ । କିପରି ଲଗାଇବା: – ସର୍ବ ପ୍ରଥମେ ମୁହଁକୁ ଗୋଲାପ ଜଳ, ଫେସୱାସ କିମ୍ବା କ୍ଲିଞ୍ଜରରେ ସଫା କରନ୍ତୁ । ଏହାପରେ ୨-୩ ମିନିଟ ସ୍କ୍ରବ କରି ଫ୍ୟାକକୁ ବାହାର କରନ୍ତୁ । ସଫା ପାଣିରେ ମୁହଁକୁ ଧୋଇ ଦିଅନ୍ତୁ । କ୍ୟାଲସିୟମ, ମାଙ୍ଗାନିଜ ଏବଂ ପ୍ରୋଟିନରେ ଭରପୁର ଚିଆ ସିଡ ଚର୍ମରେ କୋଲାଜେନ ସ୍ତର ବଢ଼ାଇଥାଏ । ଏହି ପ୍ୟାକ ଆଣ୍ଟି-ଏଜିଙ୍ଗ ଜନିତ ସମସ୍ୟା ଦୁର କରିଥାଏ ଏବଂ କଳା ଦାଗ, ଡାର୍କ ସର୍କଲ, କୁଞ୍ଚନ ଇତ୍ୟାଦିରୁ ମଧ୍ୟ ମୁକ୍ତି ଦେଇଥାଏ ।