ଜାତୀୟ ଚକ୍ଷୁଦାନ ପକ୍ଷ ଆରମ୍ଭ, ଆଜି ଠାରୁ ସେପ୍ଟେମ୍ବର ୮ ପର୍ଯ୍ୟନ୍ତ ହେବ ସଚେତନତା

ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ ସ୍ୱାସ୍ଥ୍ୟ ବିଭାଗ ତରଫରୁ ଜାତୀୟ ଚକ୍ଷୁଦାନ ପକ୍ଷ ଅଗଷ୍ଟ ୨୫ ଠାରୁ ସେପ୍ଟେମ୍ବର ୮ ତାରିଖ ଯାଏ ଚାଲିବ । ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀ ମକରନ୍ଦ ବେଉରା ଭିଡିଓ କନ୍ଫରେନ୍ସ ମାଧ୍ୟମରେ ଯୋଗଦେଇ ଏହାର ମହତ୍ୱ ଉପରେ ଆଲୋଚନା କରିଥିଲେ । ଏଥିରେ ସମସ୍ତ ବ୍ଲକର ମେଡିକାଲ ଅଫିସର ଏବଂ ସ୍ୱାସ୍ଥ୍ୟ ବିଭାଗର କର୍ମଚାରୀ ମାନେ ଭାଗ ନେଇଥିଲେ । ଆଜି ୩୭ ତମ ଜାତୀୟ ଚକ୍ଷୁଦାନ ପକ୍ଷ ପାଳନ ଅବସରରେ ଆଜିର ମୁଖ୍ୟ ଉଦ୍ଦେଶ୍ୟ ଥିଲା ନିଦ୍ୱର୍ନ୍ଦରେ ଚକ୍ଷୁଦାନ କରନ୍ତୁ । ମୃତ୍ୟୁ ପରେ ମଧ୍ୟ ଆପଣଙ୍କ ଚକ୍ଷୁ ଦୁନିଆକୁ ଦେଖୁଥିବ । ସମାଜରେ ସଚେତନତା ସୃଷ୍ଟି କରିବା ପାଇଁ ଆଜିର ଦିବସ ପାଳନ କରିବା ମହତ୍ୱପୂର୍ଣ୍ଣ ଅଟେ । ଆଜିଠାରୁ ସେପ୍ଟେମ୍ବର ୮ ପର୍ଯ୍ୟନ୍ତ ସଚେତନତା ପକ୍ଷ୍ୟ ପାଳନ କରାଯିବ ଏବଂ ପ୍ରତ୍ୟେକ ବ୍ୟକ୍ତି ସଚେତନତା ମାଧ୍ୟମରେ ଚକ୍ଷୁ ଦାନର ମହତ ବୁଝିପାରିବ । ମୃତ୍ୟୁ ପରେ ଚକ୍ଷୁଦାନ କରିବା ପାଇଁ ମତ ପୋଷଣ କରିବେ । ଏ ଅବସରରେ ବ୍ଲକ ସ୍ତରୀୟ ଲୋକମାନଙ୍କୁ କିପରି ସଚେତନତା କରାଯାଇ ପାରିବ ଆଲୋଚନା କରାଯାଇଥିଲା । ଏଥି ସହିତ ବ୍ରଜେନ୍ଦ୍ର ହାଇସ୍କୁଲ ଠାରେ ଛାତ୍ରଛାତ୍ରୀ ମାନବ ଦ୍ୱାରା ପ୍ରତିଯୋଗିତା କରାଯାଇ ପୁରସ୍କୃତ କରାଯାଇଥିଲା । ବୈଠକରେ ଡ.ପୁଷ୍ପା ନିଳିମା ଲାକ୍ରା (ଡିପିଏଚଓ), ଡ.ସୁଧାଂଶୁ ଶେଖର ଷଡ଼ଙ୍ଗୀ (ଏଡିଏମଓ), ଡ.ଶରତ କୁମାର ଦାସ, ଜିଲ୍ଲା ଯକ୍ଷ୍ମା ଅଧିକାରୀ ବିଶ୍ୱ ରଞ୍ଜନ ଦାସ (ଡିପିଏମ), ସ୍ମୃତିଲତା ବିଶ୍ୱାଳ (ଏଡିପିଏଚସିଓ) ସମସ୍ତେ ଉପସ୍ଥିତ ଥିଲେ ।