ଭୁବନେଶ୍ୱର, (ବାଘୁଆବାର୍ତ୍ତା): କ୍ରିପ୍ଟୋ ଇନ୍ଭେସମେଣ୍ଟ ନାଁରେ ହଜାର କୋଟିର ଠକେଇ ଘଟଣା । ଗିରଫ ଦୁଇ ଅଭିଯୁକ୍ତଙ୍କୁ ରିମାଣ୍ଡରେ ଏହା ଅର୍ଥନୈତିକ ଅପରାଧିକ ଶାଖା (ଇଓଡବ୍ଲ୍ୟୁ) । ତିନିଦିନିଆ ରିମାଣ୍ଡର ଅନୁମତି ଦେଲେ କୋର୍ଟ । ହଜାରେ କୋଟି ଟଙ୍କାର କ୍ରିପ୍ଟୋ ପୁଞ୍ଜି ସ୍କାମର ପର୍ଦ୍ଦାଫାସ୍ ହୋଇଛି । ସାରା ଦେଶରେ କ୍ରିପ୍ଟୋ କରେନ୍ସି ନାଁରେ କୋଟି କୋଟି ଟଙ୍କା ଠକି ଚାଲିଥିବା ‘STA କ୍ରିପ୍ଟୋ ଟୋକନ୍’ ଭାରତ ମୁଖ୍ୟ ଗୁରୁତେଜ ସିଂ ସିଦ୍ଧୁ ଏବଂ ଓଡିଶା ମୁଖ୍ୟ ନିରଦ ଦାସଙ୍କୁ ଗିରଫ କରିଥିଲା କ୍ରାଇମବ୍ରାଞ୍ଚ ଅର୍ଥନୈତିକ ଅପରାଧ ଶାଖା। ଶେଷରେ ଇଓଡବ୍ଲୁ ବିମାନ ଯୋଗେ ଉଭୟଙ୍କୁ ଧରି ଭୁବନେଶ୍ବରରେ ପହଞ୍ଚିବା ପରେ କଟକ ସ୍ଥିତ ଓପିଆଇଡି କୋର୍ଟରେ ହାଜର କରାଯାଇଥିଲା। ଉଭୟଙ୍କୁ ୫ ଦିନିଆ ରିମାଣ୍ଡରେ ନେବା ପାଇଁ ଓପିଆଇଡି କୋର୍ଟରେ ଆବେଦନ କରିଥିଲା ଅର୍ଥନୈତିକ ଅପରାଧ ଶାଖା । ଶେଷରେ କୋର୍ଟ ତିନିଦିନିଆ ରିମାଣ୍ଡରେ ନେବାକୁ ଅନୁମତି ଦେଇଛନ୍ତି । ରିମାଣ୍ଡରେ ଆଣି ଅଧିକ ତଦନ୍ତ କରିବ ଇଓଡବ୍ଲ୍ୟୁ ।





