ଓଡ଼ଗାଁ, (ବାଘୁଆବାର୍ତ୍ତା) : ଓଡ଼ଗାଁ ବ୍ଲକ ଅନ୍ତର୍ଗତ ବାଣ୍ଠପୁର ପଚାୟତରେ ହାତୀପଲ୍ଲଙ୍କ ଉପଦ୍ରବରେ ବହୁ ଫସଲ ଉଜୁଡି ଯାଇଥିବା ଜଣା ଯାଇଛି । ଏହି ଅଂଚଳରେ ହାତୀପଲ୍ଲଙ୍କର ଉପଦ୍ରବ ଲାଗି ରହିଥିବା ବେଳେ ଗ୍ରାମବାସୀ ଓ ବନବିଭାଗର ଚେଷ୍ଟାରେ ୬ତାରିଖରୁ ହାତୀପଲ୍ଲ କିଛି ଦୁର ପଚିଂରିଡା ମାନପୁର ରେଞ୍ଜ କୁରାଡ଼ି ଘଷା ଅଂଚଳକୁ ଚାଲିଯାଇଛନ୍ତି । ହାତୀପଲ୍ଲରେ ଗୋଟିଏ ଦନ୍ତା ହାତୀ ସହିତ ୫ମାଇହାତୀ ଓ ୩ଟି ଛୁଆହାତୀ ରହିଥିବା ବନବିଭାଗ କହିଛନ୍ତି । ଛୁଆହାତୀ ରହିଥିବାରୁ ହାତୀପଲ୍ଲ ଶିଘ୍ର ସ୍ଥାନ ପରିବର୍ତନ ନକରି ଗୋଟିଏ କିଛିଦିନ ରହିଯାଉଥିବା ଜଣାଯାଇଛି । ଫଳରେ ହାତୀପଲ୍ଲ ଗତକିଛିଦିନ ଧରି ବାଣ୍ଠପୁର ଗ୍ରାମର ବିନୟ ଆଲଟିଆ, ଜାଦବ ଆଲଟିଆ, ଦେବରାଜ ଆଲଟିଆ, ଉପେନ୍ଦ୍ର ପ୍ରଧାନ, ବିକ୍ରମ ପ୍ରଧାନ ପ୍ରଫୁଲ୍ଲ ମଲିକ ଇତ୍ୟାଦିଙ୍କ ଖେତବାଡିରେ ପସି ଧାନ, ମକା ଓ କଦଳୀ ଫସଲ ବହୁ ପରିମାନରେ ଉଜାଡ଼ି ଦେଇଥିବା ଗ୍ରାମବାସୀ ଅଭିଯୋଗ କରିଛନ୍ତି ।
