ଆଖି ବୁଜିଲା ଆହତ ଦନ୍ତା, କିଛି ଦିନ ଧରି କରାଯାଉଥିଲା ଚିକିତ୍ସା

ଢେଙ୍କାନାଳ, (ବାଘୁଆବାର୍ତ୍ତା): ଆଖି ବୁଜିଲା ଆହତ ଦନ୍ତା । ଢେଙ୍କାନାଳ ଜିଲ୍ଲା ଷଢଙ୍ଗୀ ବନାଞ୍ଚଳର ଲହଡ଼ା ସଂରକ୍ଷିତ ଜଙ୍ଗଲରେ ଏକ ଦନ୍ତା ହାତୀର ମୃତ୍ୟୁ ଘଟିଛି । ମୃତ ଦନ୍ତା ହାତୀର ବୟସ ୧୦ବର୍ଷ ହେବ ବୋଲି ଅନୁମାନ କରାଯାଇଛି । ଖବର ଅନୁଯାୟୀ, ହାତୀଟି ଅସୁସ୍ଥ ହୋଇ ପଡ଼ିଥିବା ଖବର ପାଇଁ ବନ ବିଭାଗ ପକ୍ଷରୁ ଗତ ଦୁଇଦିନ ହେଲା ଚିକିତ୍ସା କରାଯାଉଥିଲା । ମାତ୍ର ଶନିବାର ଦିନ ହାତୀଟିର ମୃତ୍ୟୁ ଘଟିଥିବା ଜଣାପଡିଛି । ହାତୀର ହାଡରେ କୌଣସି ସଂକ୍ରମଣ ଯୋଗୁଁ ଅସୁସ୍ଥ ହୋଇ ପଡିଥିଲା । ବନବିଭାଗ ପକ୍ଷରୁ ହାତୀର ମୃତଦେହ ବ୍ୟବଚ୍ଛେଦ କରାଯାଇ ମୃତ୍ୟୁର କାରଣ ଖୋଜାଯାଉଛି ।