ନୟାଗଡ଼,(ବାଘୁଆବାର୍ତ୍ତା): ରାଜ୍ୟ ବନବିଭାଗ ତରଫରୁ ପରିଚାଳିତ ପରିବେଶ ଶିକ୍ଷା ବିଭାଗ ପକ୍ଷରୁ ରାଜ୍ୟର ୩୦ଟି ଜିଲ୍ଲାରେ ଅନଲାଇନରେ ଅନୁଷ୍ଠିତ ହୋଇଥିବା ଇକୋ କ୍ଲବ ଗଳ୍ପ ଲିଖନ ପତ୍ରିଯୋଗିତାରେ ଜିଲ୍ଲାରେ ପ୍ରଥମ ସ୍ଥାନ ଅକ୍ତିଆର କରିଛନ୍ତି ଶିକ୍ଷୟତ୍ରୀ ପୂର୍ଣ୍ଣିମା ତ୍ରିପାଠି । ସେ ନୟାଗଡ଼ ଜିଲ୍ଲା ଏନଏସି ହାଇସ୍କୁଲରେ ବିଜ୍ଞାନ ଶିକ୍ଷୟତ୍ରୀ ଭାବେ କାର୍ଯ୍ୟରତ । ଶିକ୍ଷୟତ୍ରୀ ଅନଲାଇନ ଗଳ୍ପ ଲିଖନ କରି ଜିଲ୍ଲା ଓ ସ୍କୁଲ ପାଇଁ ଗୌରବ ଆଣିଛନ୍ତି । ଇକୋ କ୍ଲବ୍ ଅନଲାଇନ ଗଳ୍ପ ଲିଖନରେ ପ୍ରଥମ ସ୍ଥାନ ଅକ୍ତିଆର କରି ପୁରଷ୍କୃତ ହୋଇଛନ୍ତି । ପୁରଷ୍କାର ବାବଦରେ ମାନପତ୍ର ଓ ୫ହଜାର ଟଙ୍କାର ଅର୍ଥରାଶି ପ୍ରଦାନ କରାଯାଇଛି । ଶିକ୍ଷୟତ୍ରୀ ତ୍ରିପାଠିଙ୍କ ଏଭଳି କୃତିତ୍ୱ ପାଇଁ ବିଦ୍ୟାଳୟର ପ୍ରଧାନ ଶିକ୍ଷକ, ଶିକ୍ଷୟତ୍ରୀ, ଅଭିଭାବକ ଓ ଛାତ୍ରଛାତ୍ରୀମାନେ ତାଙ୍କୁ ଅଭିନନ୍ଦନ ଜଣାଇଛନ୍ତି । ଆଜି ବନ ବିଭାଗ ପକ୍ଷରୁ ଫଳାଫଲ ବାହାରି ଥିବା ବେଳେ ଜିଲ୍ଲାରେ ପ୍ରଥମ ସ୍ଥାନରେ ଏନଏସି ହାଇସ୍କୁର ଶିକ୍ଷୟତ୍ରୀ ପୂର୍ଣ୍ଣିମା ତ୍ରିପାଠି ଥିବା ବେଳେ ଦ୍ୱତୀୟ ସ୍ଥାନରେ ନବଘନପୁର ହାଇସ୍କୁଲର ଶିକ୍ଷକ ପ୍ରଦୀପ କୁମାର ସାହୁ ଓ ତୃତୀୟ ସ୍ଥାନରେ ସୋଲପଟା ହାଇସ୍କୁଲର ପ୍ରଧାନ ଶିକ୍ଷକ ଡ଼ ଗିରିଜା ପ୍ରସାଦ ମହାପାତ୍ର ପୁରଷ୍କୃତ ହୋଇଛନ୍ତି ।
