କୋଲକାତା,(ବାଘୁଆବାର୍ତ୍ତା): କାର ଭିତରେ ବସି ଡ୍ରଗ୍ସ ନେଉଥିବା ବେଳେ ଜଣେ ମହିଳାଙ୍କୁ ଉଠାଇବା ସହିତ ତା’ଙ୍କ ବନ୍ଧୁଙ୍କୁ ମଧ୍ୟ ପୁଲିସ ଉଠାଇ ନେଇଥିବା ଜଣାପଡିଛି । ମହିଳା ଜଣକ ଭାରତୀ ଜନତା ପାର୍ଟି(ବିଜେପି)ର ନାରୀ ନେତ୍ରୀ ବୋଲି ଜଣାପଡିଛି । ସୂଚନାନୁସାରେ, ପଶ୍ଚିମବଙ୍ଗ ରାଜ୍ୟ ପିଜେପିର ଯୁବା ନେତ୍ରୀ ପାମେଲା ଗୋସ୍ୱାମୀ ଓ ତାଙ୍କର ସହଯୋଗୀ ପ୍ରବୀର କୁମାର ଦେଙ୍କ ମଧ୍ୟରେ ବନ୍ଧୁତା ରହିଛି । ତେବେ ଦୀର୍ଘଦିନ ହେଲା ସେମାନେ ଡ୍ରଗ୍ସ କାରବାର କରୁଥିବା ଓ ଡ୍ରଗ୍ସ ନେଉଥିବା ଭଳି ଅଭିଯୋଗ ପୁଲିସ ପାଖରେ ହେଉଥିଲା । ଯେଉଁଥିପାଇଁ ପୁଲିସ ଏମାନଙ୍କ ଉପରେ ନଜର ରଖିଥିଲା । ତେବେ ଆଜି ବିଜେପି ଯୁବା ନେତ୍ରୀ ଓ ସହଯୋଗୀ ଏକ କାରରେ ଆସୁଥିବା ବେଳେ ପୁଲିସ ଅଟକାଇ ଛାନଭିନ୍ କରିଥିଲା । ତେବେ ବିଜେପି ନେତ୍ରୀଙ୍କ ବ୍ୟାଗରୁ ୧୦୦ଗ୍ରାମର ଡ୍ରଗ୍ସ, ୫ଲକ୍ଷ ଟଙ୍କାର ଡ୍ରଗ୍ସ ଜବତ କରିଥିଲା ପୁଲିସ । ତେବେ ବିଜେପି ନେତ୍ରୀ ଓ ସହଯୋଗୀଙ୍କୁ ପୁଲିସ ଗିରଫ୍ କରିଥିବା ବେଳେ ଶନିବାର ଦିନ କୋର୍ଟ ଚାଲାଣ କରିବ ବୋଲି ସୂଚନା ମିଳିଛି । ତେବେ ବିଜେପି ନେତ୍ରୀଙ୍କ ସୁରକ୍ଷାକର୍ମୀମାନଙ୍କୁ ମଧ୍ୟ ପୁଲିସ ପଚରାଉଚରା କରୁଥିବା ଜଣାପଡିଛି ।
