ଗଣିଆ (ବାଘୁଆବାର୍ତ୍ତା ବ୍ୟୁରୋ): ଜିଲ୍ଲା ପ୍ରଶାସନ ଓ ପ୍ରଜାପିତା ବ୍ରହ୍ମାକୁମାରୀ ଈଶ୍ୱରୀୟ ବିଶ୍ୱବିଦ୍ୟାଳୟ ନୟାଗଡ଼ ମିଳିତ ଆନୁକୂଲ୍ୟରେ ଶୁକ୍ରବାର ଗଣିଆ ବ୍ଲକ୍ କାର୍ଯ୍ୟାଳୟ ପରିସରରେ ବ୍ଲକ୍ସ୍ତରୀୟ ନିଶା ନିବାରଣ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ବ୍ଲକ୍ ପ୍ରଶାସନ ଓ ବ୍ଲକ୍ ସାମାଜିକ ସୁରକ୍ଷା ବିଭାଗ ଦ୍ୱାରା ଆୟୋଜିତ ଏହି କାର୍ଯ୍ୟକ୍ରମରେ ବ୍ଲକ୍ ଅଧ୍ୟକ୍ଷ ଶେଷଦେବ ସ୍ୱାଇଁ ମୁଖ୍ୟଅତିଥି ଭାବେ ଯୋଗଦେଇ ପ୍ରଦୀପ ପ୍ରଜ୍ୱଳନ କରିବା ସହ କେକ୍ କାଟି ଉଦ୍ଘାଟନ କରିଥିଲେ । ଅନ୍ୟମାନଙ୍କ ମଧ୍ୟରେ ସମ୍ମାନିତ ଅତିଥି ଭାବେ ବିଡିଓ ଦିବ୍ୟସିଂହ କହଁର, ସମନ୍ୱିତ ଶିଶୁ ବିକାଶ ଅଧିକାରୀ ଲକ୍ଷ୍ମୀ ଦାଶ, ପୋଲିସ୍ ସବ୍ଇନିସ୍ପେକ୍ଟର ମାନ୍ ସିଂ
ହେମ୍ବ୍ରମ୍, ଜିଲ୍ଲା ପରିଷଦ ସଦସ୍ୟ ମହେଶ୍ୱର ମହାରଣା ଓ ପ୍ରଜାପିତା ବ୍ରହ୍ମାକୁମାରୀ ଈଶ୍ୱରୀୟ ବିଶ୍ୱବିଦ୍ୟାଳୟର ମିନି ଭଉଣୀ, ଡକ୍ଟର ପ୍ରମୋଦ ଭାଇ ଏବଂ ପ୍ରସନ୍ନ ଭାଇ ପ୍ରମୁଖ ମଞ୍ଚାସୀନ ଥିଲେ । ନିଶାଗ୍ରସ୍ତ ବ୍ୟକ୍ତି ନିଜର ସ୍ୱାସ୍ଥ୍ୟ ନଷ୍ଟ କରିବା ସହିତ ପ୍ରଚୁର ଆର୍ଥିକ କ୍ଷତିର ସମ୍ମୁଖୀନ ହୋଇଥାଏ । ନିଶା ସେବନ ଠାରୁ ଦୂରେଇ ରହିବା ସହ ସୁସ୍ଥ ଜୀବନ ଓ ସୁସ୍ଥ ସମାଜ ଗଠନ ପାଇଁ ମଞ୍ଚାସିନ ଅତିଥିମାନେ ମତବ୍ୟକ୍ତ କରିଥିଲେ । 
ସେହିପରି ନିଶାସେବନ ବ୍ୟକ୍ତି କ୍ଷଣିକ ଆନନ୍ଦ ଓ ଆସ୍ୱସ୍ଥତା ପ୍ରାପ୍ତ ହୋଇଥାଏ । ହେଲେ ଅମୂଲ୍ୟ ଜୀବନଟାକୁ ନଷ୍ଟ କରିଦେଇଥାଏ । ନିଶା ସେବନ ଦ୍ୱାରା ପାରିବାରିକ ଅସର୍ଥି ତା, ସଡକ ଦୁର୍ଘଟଣା ଓ ବିଭିନ୍ନ
ପ୍ରକାର ଅପରାଧିକ ଘଟଣା ବୃଦ୍ଧି ପାଇବାରେ ଲାଗିଛି । ନିଶାଦ୍ରବ୍ୟକୁ ସମ୍ପୂର୍ଣ୍ଣ ଭାବେ ନିବାରଣ କରାଯାଇ ପାରିଲେ ଦେଶ ଓ ରାଜ୍ୟରୁ ୮୦ ପ୍ରତିଶତ ଅପରାଧ ଓ ହିଂସା ନିୟନ୍ତ୍ରଣ ହୋଇ ପାରିବ ବୋଲି ମୁଖ୍ୟଅତିଥି ଶ୍ରୀ
ସ୍ୱାଇଁ ଦୃଢୋକ୍ତି ପ୍ରକାଶ କରିଥିଲେ ।
ଏଥିସହ ଗଣିଆ ବ୍ଲକ୍କୁ ନିଶାମୁକ୍ତ କରିବାକୁ ହେଲେ ପ୍ରଥମେ କାର୍ଯ୍ୟରତ ବ୍ଲକ୍ କର୍ମଚାରୀମାନେ ନିଜେ ମାଦକଦ୍ରବ୍ୟ ପରିବାର କରନ୍ତୁ ଓ ଅନ୍ୟକୁ ସଚେତନ କରାନ୍ତି ବୋଲି ନିବେଦନ କରିଥିଲେ । ନିଶା ସେବନର କୁ ପରିଣତି ସମ୍ପର୍କରେ ଏକ ସଚେତନତା ନାଟକ ମଧ୍ୟ ପରିବେଷଣ କରାଯାଇଥିଲା । ସଚେତନତା ବୈଠକରେ ଯୋଗଦେଇଥିବା ସମସ୍ତ ବ୍ୟକ୍ତି ନିଶାସେବନ ଠାରୁ ଦୂରେଇ ରହିବା ପାଇଁ ମିନି ଭଉଣୀ ଶପଥ ପାଠ
କରାଇଥିଲେ । ଆୟୋଜିତ କାର୍ଯ୍ୟକ୍ରମରେ ବ୍ଲକ୍ର ସମସ୍ତ ବିଭାଗର କର୍ମଚାରୀ, ପଞ୍ଚାୟତ ପ୍ରତିନିଧି ବୃନ୍ଦ ଓ ଶତାଧିକ ମହିଳା ପୁରୁଷ ଯୋଗ ଦେଇଥିଲେ । କାର୍ଯ୍ୟକ୍ରମକୁ ବ୍ଲକ୍ ସାମାଜିକ ସୁରକ୍ଷା ଅଧିକାରୀ ପ୍ରିୟରଞ୍ଜନ ସାହୁ ପରିଚାଳନା କରିଥିବା ବେଳେ ପ୍ରସନ୍ନ ଭାଇ ଧନ୍ୟବାଦ ଅର୍ପଣ କରିଥିଲେ ।
