ନୟାଗଡ଼,(ବାଘୁଆବାର୍ତ୍ତା): ଚିକିତ୍ସା ଅବହେଳାରୁ ମା ଓ ଗର୍ଭସ୍ଥ ଶିଶୁ ମୃତ୍ୟୁ ଘଟଣାରେ ଡାକ୍ତରଙ୍କୁ ମାଡ଼ ମାରି ଥିବା ଆକ୍ରମଣ କାରୀକୁ ଗିରଫ ଦାବୀରେ ନୟାଗଡ଼ ଜିଲ୍ଲାର ଡାକ୍ତରମାନେ ନୀରବ ପ୍ରତିବାଦ କରି ଆସୁଛନ୍ତି। ଆସନ୍ତା ୧୭ ତାରିଖରୁ ବହିର୍ବିଭାଗ ବନ୍ଦ କରିବା ପାଇଁ ଓ ପୁଲିସକୁ ଅସହଯୋଗ କରିବା ପାଇଁ ଡାକ୍ତରମାନେ ଜିଲ୍ଲାପାଳ, ଜିଲ୍ଲା ଆରକ୍ଷୀ ଅଧିକ୍ଷକ ଓ ଜିଲ୍ଲା ମୂଖ୍ୟ ଚିକିତ୍ସାଧିକାରୀଙ୍କୁ ଦାବୀ ପତ୍ର ପ୍ରଦାନ କରିଥିଲେ। ଆଜି ନୟାଗଡ଼ ଉପଖଣ୍ଡ ଆରକ୍ଷୀ ଅଧିକ୍ଷକ ଓ ଟାଉନଥାନା ଅଧିକାରୀ ଜିଲ୍ଲା ମୂଖ୍ୟ ଚିକିତ୍ସାଳୟରେ ପହଞ୍ଚି ମୂଖ୍ୟ ଚିକିତ୍ସାଧିକାରୀ ଏଵଂ ସମସ୍ତ ଡାକ୍ତରଙ୍କ ସହ ଆଲୋଚନା କରିଥିଲେ। ଆସନ୍ତା ୨୦ ତାରିଖ ମଧ୍ୟରେ ଆକ୍ରମଣକାରୀ ବିରୋଧରେ କାର୍ୟ୍ୟାନୁଷ୍ଠାନ ଗ୍ରହଣ କରିବା ପାଇଁ ପ୍ରତିଶୃତି ଦେଇଥିଲେ। ଜିଲ୍ଳା ଡାକ୍ତର ସଂଘ ମଧ୍ୟ ସହମତି ପ୍ରଦାନ କରି କାର୍ୟ୍ୟ ବନ୍ଦ ଆନ୍ଦୋଳନକୁ ସ୍ଥଗିତ ରଖିଛନ୍ତି। ଯଦି ୨୦ ତାରିଖ ମଧ୍ୟରେ ଆକ୍ରମଣ କାରୀ ଗିରଫ ନହୁଏ ଆସନ୍ତା ୨୧ ତାରିଖରୁ ଜରୁରୀ କାଳୀନ ସେବା ଜାରି ରଖି ବହିର୍ବିଭାଗ ରୋଗୀ ସେବା ବନ୍ଦ ରହିବ ବୋଲି ସଂଘ ପକ୍ଷରୁ ଚେତାବନୀ ଦିଆଯାଇଛି।
ଘୁଞ୍ଚିଲା ଡାକ୍ତରଙ୍କ କାର୍ଯ୍ୟବନ୍ଦ ଆନ୍ଦୋଳନ
