ଜିଲ୍ଲା ଓକିଲ ସଂଘ ବାର୍ଷିକ ଉତ୍ସବ, ସମ୍ବର୍ଦ୍ଧିତ ହେଲେ ମାଟ୍ରିକ ଜିଲ୍ଲା ଟପର ଆଶିଷ

ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ଜିଲ୍ଲା ଓକିଲ ସଂଘର ବାର୍ଷିକ ଉତ୍ସବ ପାଳନ ଅବସରରେ ଓଡିଶା ଉଚ୍ଚ ନ୍ୟାୟାଳୟର ନ୍ୟାୟାଧୀସ ଜଷ୍ଟିସ ଚିତ୍ତରଞ୍ଜନ ଦାସ ଯୋଗ ଦେଇଥିଲେ | ଜିଲ୍ଲା ନ୍ୟାୟାଧୀସ ଆନନ୍ଦ ନାରାୟଣ ମହାରଣା, ଜିଲ୍ଲା ଆଇନ ସେବା ପ୍ରାଧିକରଣ ସଚିବ ଅଞ୍ଜଳି ମଛଖଣ୍ଡଙ୍କ ସମେତ ଅନ୍ୟାନ୍ୟ ବରିଷ୍ଠ ଓ କନିଷ୍ଠ ବିଚାରପତିମାନେ ଉକ୍ତ ଉତ୍ସବରେ ଯୋଗ ଦେଇଥିଲେ । ଆଇନଜୀବୀ ସୁରେଶ କୁମାର ପ୍ରଧାନଙ୍କ ସୁପୁତ୍ର ୨୦୨୫ ମାଟ୍ରିକ ପରୀକ୍ଷାରେ ୫୭୩ ମାର୍କ ରଖି ଜିଲ୍ଲା ଟପ୍ପର ହୋଇଥିବା ଆଶିଷ କୁମାର ପ୍ରଧାନଙ୍କୁ ଉପଢୌକନ ଦେଇ ସମ୍ବର୍ଦ୍ଧିତ କରିଥିଲେ ଓଡିଶା ଉଚ୍ଚ ନ୍ୟାୟାଳୟର ନ୍ୟାୟାଧୀସ ଶ୍ରୀ ଦାସ। ଓକିଲ ସଂଘ ସଭାପତି ରଣଜିତ ଦାସ, ସମ୍ପାଦକ ସ୍ବଦେଶ ମିଶ୍ର ସଂଘର କର୍ମକର୍ତା ଓ ସମସ୍ତ ଆଇନଜୀବୀ ଆଶିଷଙ୍କୁ ଆର୍ଶୀବାଦ ପ୍ରଦାନ କରିବା ସାଙ୍ଗକୁ ଭବିଷ୍ୟତରେ ଜଣେ ଭଲ ମଣିଷ ହେବାର ଆଶା ବ୍ୟକ୍ତ କରିଥିଲେ । ଏହି ଉତ୍ସବରେ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରିଥିଲେ ଆଇନଜୀବୀ ରଜତ କୁମାର ଚମ୍ପତ୍ତିରାୟ।