ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ଜିଲ୍ଲାପାଳଙ୍କ ସଭାଗୃହରେ ଜିଲ୍ଲା ସ୍ତରିୟ ଡେଙ୍ଗୁ, ମ୍ୟାଲେରିଆ ତଥା ଅନ୍ୟାନ୍ୟ ବାହାକ ଜନିତ ରୋଗ ସମ୍ବନ୍ଧିୟ ସଚେତନତା ସଭା ଜିଲ୍ଲାପାଳ ରବୀନ୍ଦ୍ର ନାଥ ସାହୁଙ୍କ ସଭାପତିତ୍ୱରେ ଅନୁଷ୍ଠିତ ହୋଇଥିଲା । ଉକ୍ତ ସଭା ମାଧ୍ୟମରେ ବାହାକ ଜନିତ ରୋଗ ଜନସ୍ୱାସ୍ଥ୍ୟ ଅଧିକାରୀ, ଜିଲ୍ଲାର ସମସ୍ତ ବିଭାଗର ଅଧିକାରୀଙ୍କୁ ମ୍ୟାଲେରିଆ, ଫାଇଲେରିଆ, ଡେଙ୍ଗୁ ଓ ଜାପାନିଜ ଲନସେଫାଲାଇଟିସ ରୋଗର ଆକଳନ ସମ୍ବନ୍ଧରେ ସୂଚନା ପ୍ରଦାନ କରିଥିଲେ ।
ଉକ୍ତ ରୋଗ ଗୁଡିକର ନିରାକରଣ, ଚିକିତ୍ସା ଓ ନିୟନ୍ତ୍ରଣର ଉପାୟ ମାନ ସମ୍ବନ୍ଧରେ ବିଷଦ୍ଭାବେ ଆଲୋକପାତ କରିଥିଲେ । ସରକାରଙ୍କ ଦ୍ୱାରା ପ୍ରଦାନ କରାଯାଇଥିବା ଦୀର୍ଘ ସ୍ଥାୟୀ କିଟନାଶକ ଔପଚାରିତ ମଶାରୀ ସମସ୍ତେ ବ୍ୟବହାର କରିବା ଓ ଘର ଏବଂ ଘର ଚାରିପାଖ ସଫା ରଖିବା ଉକ୍ତ ସଭାର ମୁଖ୍ୟ ବାର୍ତ୍ତା ଥିଲା । ଉପସ୍ଥିତ ସମସ୍ତ ଜିଲ୍ଲାସ୍ତରୀୟ ଅଧିକାରୀମାନେ ବାହାକ ଜନିତ ରୋଗ ନିରାକରଣ ଓ ସଚ୍ଚେତନତାରେ ନିଜକୁ ଭାଗିଦାରୀ କରିବା ପାଇଁ ସହଯୋଗ ପ୍ରଦାନ କରିଥିଲେ ।
