ଜିଲ୍ଲା କଂଗ୍ରେସ ପକ୍ଷରୁ ଧର୍ମେନ୍ଦ୍ରଙ୍କ ଇସ୍ତଫା ଦାବି, ପେଟ୍ରୋଲ, ଡିଜେଲ ଓ ରନ୍ଧନ ଗ୍ୟାସର ଅହେତୁକ ଦରବୃଦ୍ଧି ପ୍ରସଙ୍ଗ

ନୟାଗଡ଼ (ବାଘୁଆବାର୍ତ୍ତା): ପେଟ୍ରୋଲ ଡିଜେଲ ରନ୍ଧନଗ୍ୟାସ ଅହେତୁକ ଦରବୃଦ୍ଧି ପ୍ରତ୍ୟାହାର ଦାବିରେ ଆଜି ପୂର୍ବାହ୍ନ ୯ ଘଟିକା ଠାରୁ ୧୧ ଘଟିକା ପର୍ୟ୍ୟନ୍ତ ସ୍ଥାନୀୟ କଲେଜ ରୋଡ଼ ଇଣ୍ଡିଆନ ଅଏଲ ପେଟ୍ରୋଲ ପମ୍ପରେ ବିକ୍ଷୋଭ ଓ ଧାରଣା ନୟାଗଡ ବ୍ଲକ କଂଗ୍ରେସ ସଭାପତି ଫକୀର ଚରଣ ମଲ୍ଲଙ୍କ ଆବାହକତ୍ୱରେ ଅନୁଷ୍ଠିତ ହୋଇ ଯାଇଛି । ପ୍ରଦେଶ କଂଗ୍ରେସ ଆହ୍ୱାନରେ ଆୟୋଜିତ ଏହି ବିକ୍ଷୋଭ କାର୍ୟ୍ୟକ୍ରମରେ ଜିଲ୍ଲା କଂଗ୍ରେସ ସଭାପତି ଆଇନଜୀବି ରଣଜିତ ଦାଶ ବରିଷ୍ଠ ନେତା ସିନ୍ଦୁରିଆ ସମିତି ସଭ୍ୟ ହୁସେନ ଖାଁ, ଜିଲ୍ଲା କଂଗ୍ରେସ ଉପ ସଭାପତି କମଳ ଚରଣ ସାହୁ, ଆରଜିପିଆରଏସ ଜିଲ୍ଲା ସଂଯୋଜକ ସୁକାନ୍ତ ଶତପଥୀ, ଜିଲ୍ଲା ସଂଖ୍ୟାଲଘୁ ସେଲ ଅଧ୍ୟକ୍ଷ୍ୟ ଅମଜାଦ ଖାଁ, ଜିଲ୍ଲା ଯୁବକଂଗ୍ରେସ କାର୍ୟ୍ୟକାରୀ ସଭାପତି ପ୍ରତୀକ ମହାପାତ୍ର, ଛାତ୍ର କଂଗ୍ରେସ ଜିଲ୍ଲା ସାଧାରଣ ସମ୍ପାଦକ ଅବଦୁଲ ନିଜାମ ଖାଁ, ଯୁବ ସଂଗଠକ ଲଷ୍ମଣ ଜେନାପ୍ରହଲ୍ଲାଦ ପାତ୍ରଙ୍କ ସହ ପ୍ରାୟ ୨୫ ଜଣ କୋଭିଡ ନିୟମ ଅନୁପାଳନ କରି ତୈଳ ଦରବୃଦ୍ଧି ପ୍ରତ୍ୟାହାର କରିବା ଏବଂ କେନ୍ଦ୍ର ତୈଳ ମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଇସ୍ତଫା ଦାବୀ କରାଯାଇ ନାରାବାଜି କରାଯାଇଥିଲା । ଜିଲ୍ଲାର ବିଭିନ୍ନ ପେଟ୍ରୋଲ ପମ୍ପ ପ୍ରାଙ୍ଗଣରେ ଦଳୀୟ କର୍ମୀମାନଙ୍କ ଦ୍ୱାରା ୨ ଘଣ୍ଟିଆ ବିକ୍ଷୋଭ ଏବଂ ଧାରଣା ଦିଆଯାଇଛି ।