ନୟାଗଡ଼,(ବାଘୁଆବାର୍ତ୍ତା); ନୟାଗଡ଼ ଜିଲ୍ଲା ଦଶପଲ୍ଲା ବ୍ଲକ ଅନ୍ତର୍ଗତ କୁଆଁରିଆ ବନ୍ୟପ୍ରାଣୀ ସଂରକ୍ଷଣ ଡାକବଙ୍ଗଳାଠାରେ କଟକ ଲୋକସଭା ସାଂସଦ ଭର୍ତ୍ତୁହରୀ ମହତାବଙ୍କ ଅଧ୍ୟକ୍ଷତାରେ ଜିଲ୍ଲା ଉନ୍ନୟନ ସମନ୍ୱୟ ଓ ପର୍ଯ୍ୟାଲୋଚନା କମିଟି(ଦିଶା) ବୈଠକ ଅନୁଷ୍ଠିତ ହୋଇଯାଇଛି । ଏହି ବୈଠକରେ ସର୍ବପ୍ରଥମେ ଟେଲିକମ ସେକ୍ଟର, ଗ୍ରାମୀଣ ପାନୀୟ ଜଳ ଯୋଗାଣ, ଗଣିଆଠାରୁ ବଡ଼ମୁଳ ପର୍ଯ୍ୟନ୍ତ ସବୁଦିନିଆ, ଡାକ୍ତରଙ୍କ ସମସ୍ୟା, ଦିନଦୟାଲ ଉପାଧ୍ୟାୟ ଗ୍ରାମ୍ୟଜ୍ୟୋତି ଯୋଜନା, ଜାତୀୟ ଗ୍ରାମୀଣ ଜୀବିକା ମିଶନ୍, ଜାତୀୟ ରାଜପଥ ଏବଂ ନୟାଗଡ଼ରେ ହେବାକୁ ଥିବା ବାଇପାସ ରାସ୍ତାକୁ ତ୍ୱରାନ୍ନିତ କରିବା ସଂପର୍କରେ ବୈଠକରେ ଆଲୋଚନା ହୋଇଛି । ଏହି ବୈଠକରେ ଅନ୍ୟମାନଙ୍କ ମଧ୍ୟରେ ଜିଲ୍ଲା ପରିଷଦ ଅଧ୍ୟକ୍ଷା ବୈଜୟନ୍ତିମାଳା ମହାନ୍ତି, ରଣପୁର ବିଧାୟକ ତଥା ଜିଲ୍ଲା ଯୋଜନା ବୋର୍ଡ଼ ଅଧ୍ୟକ୍ଷ ସତ୍ୟନାରାୟଣ ପ୍ରଧାନ, ଜିଲ୍ଲାପାଳ ଡ. ପୋମା ଟୁଡୁ, ବନଖଣ୍ଡ ଅଧିକାରୀ ଧନରାଜ ଏଚ.ଡି., ବନଖଣ୍ଡ ଅଧିକାରୀ(ବନ୍ୟପ୍ରାଣି ସଂରକ୍ଷଣ) ହର୍ଷବର୍ଦ୍ଧନ ଉଦ୍ଗାତା, ପ୍ରକଳ୍ପ ନିର୍ଦ୍ଦେଶକ ସୁବାସ ଚନ୍ଦ୍ର ରାୟ , ଜିଲ୍ଲା ପରିଷଦର ସମସ୍ତ ସଦସ୍ୟ, ସମସ୍ତ ଜିଲ୍ଲାସ୍ତରୀୟ ଅଧିକାରୀ, ସମସ୍ତ ମଣ୍ଡଳ ଉନ୍ନୟନ ଅଧିକାରୀ, ସମସ୍ତ ଲାଇନ୍ ବିଭାଗର ଅଧିକାରୀ ଯୋଗଦାନ କରିଥିଲେ ।
