ଭୁବନେଶ୍ୱର, (ବାଘୁଆବାର୍ତ୍ତା): କରୋନା ସଂକ୍ରମିତ ସଂଖ୍ୟା ହୁ ହୁ ହୋଇ ବଢୁଥିବା ଦେଖି ବିଭିନ୍ନ ସ୍ଥାନାରେ ଲକଡାଉନ, କର୍ଫ୍ୟୁ ଆଦି ଲାଗୁ ହୋଇଛି । ତେଣୁ ଜୀବିକା କଥା ଚିନ୍ତା ନକରି ସମସ୍ତେ ଏବେ ଜୀବନ ଭୟରେ ନିଜ ନିଜ ଗାଁ ମୁହାଁ ହେଉଛନ୍ତି । ମୁଖ୍ୟତଃ ପ୍ରବାସୀ ଶ୍ରମିକ ଗାଁମୁହାଁ ହେଲେଣି । ଏଥିପାଇଁ ରେଳ ଷ୍ଟେସନ ଓ ବସ ଷ୍ଟାଣ୍ଡରେ ପ୍ରବଳ ଗହଳି ଲାଗୁଥିବା ଦେଖିବାକୁ ମିଳିଛି । ଫଳରେ ମହାମାରୀ ଅଧିକ ବ୍ୟାପିବାରେ ଭୟ ସୃଷ୍ଟି ହେଲାଣି । ଏପରି ଘଡ଼ିସନ୍ଧି ମୁହୂର୍ତ୍ତରେ ରାଜଧାନୀ ଦିଲ୍ଲୀ ନ ଛାଡିବାକୁ ପ୍ରବାସୀ ଶ୍ରମିକଙ୍କୁ ଆହ୍ୱାନ ଦେଇଛନ୍ତି ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ । ଲକଡାଉନ ବେଳେ ଦିଲ୍ଲୀ ସରକାରଙ୍କ ଦ୍ୱାରା ପଞ୍ଜିକୃତ ସମସ୍ତ ଶ୍ରମିକଙ୍କର ଯତ୍ନ ନିଆଯିବ ବୋଲି କେଜ୍ରିୱାଲ ପ୍ରତିଶୃତି ଦେଇଛନ୍ତି । ଏମିତିକି ଯେଉଁ ଶ୍ରମିକମାନେ ରହିବେ ସେମାନଙ୍କୁ ୫୦୦୦ ଟଙ୍କା ସହାୟତା ଯୋଗାଇଦେବେ ବୋଲି ଦିଲ୍ଲୀ ସରକାର ମଙ୍ଗଳବାର ହାଇକୋର୍ଟରେ ଏକ ଆଫିଡେଭିଟ୍ ଦାଖଲ କରିଛନ୍ତି ।
